Kryeministri i Serbisë Aleksandër Vuçiç nuk i ka përtypur dot deklaratat e homologut të tij shqiptar në mes të Beogradit, e për këtë është hedhur menjëhere në sulm diplomatik. <br /> <br />Ai ka zhvilluar një takim me ambasadoret e Shteteteve te Bashkuara, Bashkimit Europian, Gjermanisë, Britanisë së Madhe dhe Italisë. <br /> <br /> <br />Pas takimit me ambasadorët e vendeve të Kuntit, shefi i qeverisë serbe deklaroi për mediat se i kishte njohur ata me atë që tha Rama dje në Beograd, dhe qëndrimin e Serbisë. <br /> <br />Ai deklaroi se qeveria e Serbisë do të vazhdojë dialogun me qeverinë e Shqipërisë. Sa i përket deklaratave të kryeministrit Edi Rama për Kosovën , ai tha se ishte përgatitur për të reaguar me maturi. Aleksandër Vuçiç tha se Rama doli nga protokolli me fjalimin e tij, megjithatë hodhi poshtë deklaratat se ai duhet të reagonte më ashpër. <br /> <br />"Nëse dikush mendon se një politikë serioze do të ishte të merrja një shkop dhe të godisja Ramën, unë mendoj se kjo nuk është politikë serioze", tha kryeministri i Serbisë. <br /> <br />Në lidhje me takimin me ambasadorët e Kuintit, Vuçiç tha se i kishte njohur me deklarata që bëri shefi i qeverisë shiptare. “Dua të shikoj se ç’mendojnë ata, nëse ka ndonjë gjë ndaj Serbisë, nëse ne nuk treguam mikpritje, nëse ne treguam mikpritje të ulët, apo nëse i ofenduam me ndonjë fjalë, apo nëse përdorëm ndonjë fjalë të rëndë të cilën miku ynë nuk e priste, apo nëse ne thjesht po mbronim integritetin tonë, krenarinë tonë dhe sovranitetin”, tha Vuçiç. <br /> <br />Në lidhje me vizitën në Preshevë të kryeministrit shqiptar, Vuçiç tha se nuk ka asgjë të keqe për këtë vizitë.
