great naat by allama iqbal from book Bal-e-Jirail Zooq o shooq available on http://www.allamaiqbal.com/ <br />ذوق و شوق <br />(ان اشعار ميں سے اکثر فلسطين ميں لکھے گئے( <br /> <br />دريغ آمدم زاں ہمہ بوستاں <br />تہي دست رفتن سوئے دوستاں <br />قلب و نظر کي زندگي دشت ميں صبح کا سماں <br />چشمہ آفتاب سے نور کي ندياں رواں <br />حسن ازل کي ہے نمود ، چاک ہے پردئہ وجود <br />دل کے ليے ہزار سود ايک نگاہ کا زياں <br />سرخ و کبود بدلياں چھوڑ گيا سحاب شب <br />کوہ اضم کو دے گيا رنگ برنگ طيلساں <br />گرد سے پاک ہے ہوا ، برگ نخيل دھل گئے <br />ريگ نواح کاظمہ نرم ہے مثل پرنياں <br />آگ بجھي ہوئي ادھر ، ٹوٹي ہوئي طناب ادھر <br />کيا خبر اس مقام سے گزرے ہيں کتنے کارواں <br />آئي صدائے جبرئيل ، تيرا مقام ہے يہي <br />اہل فراق کے ليے عيش دوام ہے يہي <br />کس سے کہوں کہ زہر ہے ميرے ليے م ے حيات <br />کہنہ ہے بزم کائنات ، تازہ ہيں ميرے واردات <br />کيا نہيں اور غزنوي کارگہ حيات ميں <br />بيٹھے ہيں کب سے منتظر اہل حرم کے سومنات <br />ذکر عرب کے سوز ميں ، فکر عجم کے ساز ميں <br />نے عربي مشاہدات ، نے عجمي تخيلات <br />قافلہء حجاز ميں ايک حسين بھي نہيں <br />گرچہ ہے تاب دار ابھي گيسوئے دجلہ و فرات <br />عقل و دل و نگاہ کا مرشد اوليں ہے عشق <br />عشق نہ ہو تو شرع و ديں بت کدئہ تصورات <br />صدق خليل بھي ہے عشق ، صبر حسين بھي ہے عشق <br />معرکہء وجود ميں بدر و حنين بھي ہے عشق <br />آيہء کائنات کا معني دير ياب تو <br />نکلے تري تلاش ميں قافلہ ہائے رنگ و بو <br />جلوتيان مدرسہ کور نگاہ و مردہ ذوق <br />خلوتيان مے کدہ کم طلب و تہي کدو <br />ميں کہ مري غزل ميں ہے آتش رفتہ کا سراغ <br />ميري تمام سرگزشت کھوئے ہوؤں کي جستجو <br />باد صبا کي موج سے نشوونمائے خار و خس <br />ميرے نفس کي موج سے نشوونمائے آرزو <br />خون دل و جگر سے ہے ميري نوا کي پرورش <br />ہے رگ ساز ميں رواں صاحب ساز کا لہو <br />فرصت کشمکش مدہ ايں دل بے قرار را <br />يک دو شکن زيادہ کن گيسوے تابدار را <br />لوح بھي تو ، قلم بھي تو ، تيرا وجود الکتاب <br />گنبد آبگينہ رنگ تيرے محيط ميں حباب <br />عالم آب و خاک ميں تيرے ظہور سے فروغ <br />ذرہ ريگ کو ديا تو نے طلوع آفتاب <br />شوکت سنجر و سليم تيرے جلال کي نمود <br />فقر جنيد و بايزيد تيرا جمال بے نقاب <br />شوق ترا اگر نہ ہو ميري نماز کا امام <br />ميرا قيام بھي حجاب ، ميرا سجود بھي حجاب <br />تيري نگاہ ناز سے دونوں مراد پا گئے <br />عقل غياب و جستجو ، عشق حضور و اضطراب <br />تيرہ و تار ہے جہاں گردش آفتاب سے <br />طبع زمانہ تازہ کر جلوئہ بے حجاب سے <br />تيري نظر ميں ہيں تمام ميرے گزشتہ روز و شب <br />مجھ کو خبر نہ تھي کہ ہے علم نخيل بے رطب <br />تازہ مرے ضمير ميں معرکہء کہن ہوا <br />عشق تمام مصطفي ، عقل تمام بولہب <br />گاہ بحيلہ مي برد ، گاہ بزور مي کشد <br />عشق کي ابتدا عجب ، عشق کي انتہا عجب <br />عالم سوز و ساز ميں وصل سے بڑھ کے ہے فراق <br />وصل ميں مرگ آرزو ، ہجر ميں لذت طلب <br />عين وصال ميں مجھے حوصلہء نظر نہ تھا <br />گرچہ بہانہ جو رہي ميري نگاہ بے ادب <br />گرمي آرزو فراق ، شورش ہاے و ہو فراق <br />موج کي جستجو فراق ، قطرے کي آبرو فراق!
