اسی کے ہاتھ میں اب فیصلہ تھا،ہمارے ہاتھ میں کچھ بھی نہیں تھا <br />جب اس نے ہاتھ میں خنجر اُٹھایا ، ہمارے ہاتھ میں کچھ بھی نہیں تھا <br />ہمارے ذہن میں تھاتیرا چہرہ، ہماری آنکھ میں تھے تیرے آنسو <br />ہمارے دل میں تھی تیری تمنا، ہمارے ہاتھ میں کچھ بھی نہیں تھا <br />عدو کے ہاتھ پہ میرا ہی خوں تھا ، تمھارے ہاتھ پہ مہندی لگی تھی <br />سبھی کہنے لگے تو ہم نے کھولا، ہمارے ہاتھ میں کچھ بھی نہیں تھا <br />ہماری قسمتوں نے حال بدلا، ستارہ کیسے اپنی چال بدلا <br />جو ہاتھوں کی لکیروں کو ٹٹولا، ہمارے ہاتھ میں کچھ بھی نہیں تھا <br />تمھارا ہاتھ تھا ہاتھوں میں میرے، تو دنیا انگلیوں پہ ناچتی تھی <br />تمھارا ہاتھ جو چھوٹا تو جانا، ہمارے ہاتھ میں کچھ بھی نہیں تھا <br />جوانی، نام، دولت، مل گئے جب ، تو محبوب حقیقی نے پکارا <br />زرا آگے بڑھے تو ہم نے دیکھا، ہمارے ہاتھ میں کچھ بھی نہیں تھا <br />ہمارے پالنے والے خدایا!جب آیا، تُو ہمارے پاس آیا <br />ہم آنا چاہتے تھے پر یہ دیکھا، ہمارے ہاتھ میں کچھ بھی نہیں تھا <br />عامر امیرؔ
