جدائیوں کے زمانے کب تک؟ ...نجانے کب تک! <br />تم آؤ گے یہ بتانے کب تک؟ ...نجانے کب تک! <br />میں روٹھ بیٹھا ہوں جب سے، تم سے یہ سوچتا ہوں <br />کہ آ رہے ہو منانے کب تک؟ ...نجانے کب تک! <br />اب آبھی جاؤ کہ تازگی زندگی میں آئے <br />میں غم سنبھالوں پرانے کب تک؟ ...نجانے کب تک! <br />ہے آس مردہ، حواس مردہ ،اور ایک میں نے <br />جنازے گھر سے اٹھانے کب تک؟ ...نجانے کب تک! <br />مری محبت تو کب کی رخصت بھی ہو چکی ہے <br />گراؤگے شامیانے کب تک؟ ...نجانے کب تک! <br />اے یار! میں ہار کر بھی خوش ہوں کہ یار جیتا <br />بجاؤ گے شادیانے کب تک؟ ...نجانے کب تک! <br />لو میری سر کش وفا کا گھوڑا بھی اَڑ گیا ہے <br />لگاؤ گے تازیانے کب تک؟ ...نجانے کب تک! <br />اے عشق! یونہیمزارپراب فضول تو نے <br />مریداپنے نچانے کب تک؟ ...نجانے کب تک! <br />عامر امیرؔ <br /> <br />مجھے ناشاد کر دے ،اے مرے دل! <br />مرے استاد !کر دے ،اے مرے دل! <br />لو پھر سے غم مجھے کم پڑ گئے ہیں <br />یہ لاتعداد کر دے، اے مرے دل! <br />جو تجھ میں خوف بچے دے رہا ہے <br />وہ بے اولاد کر دے ،اے مرے دل! <br />کسی کے پیار میں سرشار کر دے <br />مجھے برباد کر دے ، اے مرے دل! <br />محبت کو تُو اتنا قید مت کر <br />یہ جن آزاد کر دے، اے مرے دل! <br />وفا کی گود پھر سُونی پڑی ہے <br />اسے آباد کر دے ،اے مرے دل! <br />تو مجھ سے چھین کے سب اُس کی یادیں <br />کھڑی اُفتاد کر دے اے مِرے دل! <br />تو چپ کیوں ہے؟ وہ بخشش کر رہا ہے <br />زرافریاد کر دے، اے مرے دل!
