کیا دل مرا نہیں تھا تمہارا ، جواب دو - قوالی درگاہ گولڑہ شریف

قوالی درگاہ گولڑہ شریف <br />~~**کلامِ نصیر٭٭~~ <br /> <br />کیا دل مرا نہیں تھا تمہارا ، جواب دو <br />برباد کیوں کیا ہے ؟ خدا را جواب دو <br /> <br />کیا تم نہیں ہمارا سہارا ، جواب دو <br />آنکھیں مِلاؤ ، ہم کو ہمارا جواب دو <br /> <br />کل سے مراد صبحِ قیامت سہی ، مگر <br />اب تم کہاں مِلو گے دوبارا ، جواب دو <br /> <br />چہرا اُداس ، اشک رواں ، دل ہے بے سکوں <br />میرا قصور ہے کہ تمہارا ؟ جواب دو <br /> <br />دیکھا جو شرمسار ، اُلٹ دی بساطِ شوق <br />یوں تم سے کوئی جیت کے ہارا ؟ جواب دو <br /> <br />میں ہو گیا تباہ تمہارے ہی سامنے <br />کیوں کر کیا یہ تم نے گوارا ؟ جواب دو <br /> <br />تم ناخدا تھے ، اور تلاطم سے آشنا <br />کشتی کو کیوں مِلا نہ کنارا ؟ جواب دو <br /> <br />شام آئی ، شب گزر گئ ، آخر سَحر ہوئی <br />تم نے کہاں یہ وقت گزارا ؟ جواب دو <br /> <br />لو تم کو بھی بلانے لگے ہیں نصیرؔ وہ <br />بولو ارادا کیا ہے تمہارا ، جواب دو؟ <br /> <br />کلام حضرت الشیخ پیر سید نصیر الدین نصیر جیلانی رحمتہ اللہ علیہ گولڑہ شریف <br />.اپ کی دعاؤں کاطالب سید شاہد محی الدین بخاری