أقول اسمك تفيض بصدري عبراتي .. حسين وصورتك تجري ويا دمعاتي <br />اشوفك ياحزن عايش وسط ذاتي .. ملاذ ونتنهي يمك جراحاتي <br /> <br />.. <br /> <br />حزن يرسم طفوفك لوحة أوجاعي .. بحر دمعي اعتنيك وحسرتي شراعي <br />صليل سيوف حزنك يذبح أسماعي .. خيول الهم تدوس بذكرك أضلاعي <br />خذت من هم محرم حزني وأطباعي .. واقصدك من تشب في حزني جمراتي <br />ملاذ وتنتهي يمك جراحاتي <br /> <br />.. <br /> <br />صمت عن الفرح لمن يهل نوحي .. عزاء الجرحك تضل تنزف جروحي <br />إلك رايه حزن رفت على سطوحي .. حوافر خيل حزنك صالت بسوحي <br />يمن مالك نبض قلبي وحزن روحي .. عمر يمشي قضيت بحزنك أوقاتي <br />ملاذ ونتنهي يمك جراجاتي <br /> <br />.. <br /> <br />بمهر دمعي أسافر لك بلايا حدود .. أشوفك عالترب نايم بحزن ممدود <br />الملايك تنزل تصلي إلك وتعود ..تغطي جسمك الطاهر بدمع وورود <br />ألا يمن مصابك بيك جنت موعود .. جنت صابر رغم ماتعلم الآتي <br />ملاذ وتنتهي يمك جراحاتي <br /> <br />.. <br /> <br />أدورك ياعشق ضامي العذب ملقاك .. شراع المبحر بدمعي يروح وياك <br />لساني المايمل ذكرك ولا ينساك .. يسولف لك عشق روحي ويصيح أهواك <br />ظلام الي سكن روحي يحل ضواك ..حروف اسمك تصير بشوقي آياتي <br />ملاذ وتنتهي يمك جراجاتي <br /> <br />.. <br /> <br />نهر تروي الوجود بثغرك الضامي .. وتنسيني بمصابك جمرة آلامي <br />خيالك صرت أشوفه بصحوي وأحلامي ..جسد متغطي بجراحه ونحر دامي <br />حزن مااظن يفارق حزنك أيامي ..نجم مافارقت ظلمة سماواتي <br />ملاذ وتنهي يمك جراحاتي <br /> <br />.. <br /> <br />عهد اسمك يابو الاكبر فلا ننساه .. دماء تسيل من اجله نظل نهواه <br />على رمح المجد راسك عجب شفناه .. يسير وبالسماء نجوم تمشي وياه <br />عجيبه شلون ضامي ونتروي من ضماه .. توديني على حبك جمرة آهاتي <br />ملاذ وتنتهي يمك جراحاتي
