إلا أوصـل كـربـله إلا أوصل كربله... و أشتكي لحسين و أشتكي لحسين <br /> <br />ما أريد أشكي و أقله خصمك إشسوه... بس عله اليتسمه شيعي أرفع الشكوه <br />حاله حال اللي يضدني و يزرع العبوه... و اليبيع الذمه أدري إعتاب ما يسوه <br />هـيـه نـفس المسأله هيه نفس المسأله... و أشتكي لحسين و أشتكي لحسين <br /> <br />الـكـسـر ضـلـع الزجيه يعترف بيها ... و العجيبه المن نبيه إتستر إعليها <br />قـال مـا كـاسر ضلعها و لا وصل ليها... ضربة المسمار بدعه و نار تاليها <br />بـيـنـه يـهدم معوله بينه يهدم معوله... و أشتكي لحسين و أشتكي لحسين <br /> <br />إنـتـهوا من الزجيه و داروا إعلينه... و اللي يطبر راسه قالوا خرج عن دينه <br />يـالـخـفت من النواصب بالله خلينه ... غصبن إعليك و عليهم علي والينه <br />يـالـخنت عقد الوله يالخنت عقد الوله... و أشتكي لحسين و أشتكي لحسين <br /> <br />شـافـوا الـمـشـايه تكثر من يفجروها... توصل إبيوم أربعينك ما يمنعوها <br />مـسـتـحـب قالوا عليها لا تزوروها... و الله يحسين إبتلينه الغيره باعوها <br />بـيـهم الشيعي إبتله بيهم الشيعي إبتله ... و أشتكي لحسين و أشتكي لحسين <br /> <br />و الـلـطم قالوا تخلف ما تتركونه... لو بجيت إبجي إعله كيفك لا يسمعونه <br />دولـه مـحـسـوبين شيعه يالتلومونه... كلشي متريده النواصب ما يريدونه <br />بـالـزعل قلبي إمتله بالزعل قلبي إمتله ... و أشتكي لحسين و أشتكي لحسين <br /> <br />يـالـلي تطعن بالشعاير أصلك إنعرفه... و الله لو ردنه نكشفه أمرك إنكشفه <br />إحـنـه مـعروفين تدري إبساعة الكلفه ... الدفع لحسين دمه و الدفع جفه <br />يـالـتـجـامـل قاتله يالتجامل قاتله... و أشتكي لحسين و أشتكي لحسين <br /> <br />إنـت ليـش إتقلي إسكت لا تكلمهم... إتصورت آني أقصدك من أهاجمهم <br />يـعـنـي أثـبـت بـالأدله إنت تتبعهم... أقسم إبضلع الزجيه ما أجاملهم <br />و آني من هالمشكله و آني من هالمشكله... و أشتكي لحسين و أشتكي لحسين
