کجیے جو ستم رہ گۓ ہیں-کلام پیر نصیر الدین نصیر رح <br />قوال استاد مختار و ہمنواہ <br />کلام حضرت الشیخ پیر سید نصیر الدین نصیر جیلانی رحمتہ اللہ علیہ گولڑہ شریف <br /> <br />بن کے تصویرِ غم رہ گئے ہیں <br />کھوئےکھوئےسےہم رہ گئےہیں <br /> <br />دو قدم چل کے رہ وفا میں <br />تھگ گۓ تم کہ ہم رہ گۓ ہیں <br /> <br />بانٹ لی سب نے آپس میںخوشیاں <br />میرے حصے میں غم رہ گئے ہیں <br /> <br />اب نہ اٹھنا سرہانے سے میرے <br />اب تو گنتی کے دم رہ گئے ہیں <br /> <br />قافلہ چل کے منزل پہ پہنچا <br />ٹھہروٹھہرو! کہ ہم رہ گئے ہیں <br /> <br />دیکھکر ان کےمنگتوں کی غیرت <br />دنگ اہلِ کرم رہ گئے ہیں <br /> <br />ان کی ستاریاں کچھ نہ پوچھو <br />عاصیوں کے بھرم رہ گئے ہیں <br /> <br />اے صبا ! ایک زحمت ذرا پھر <br />ان کی زلفوں میں خم رہ گئے ہیں <br /> <br />کائناتِ جفا و وفا میں <br />ایک تم ایک ہم رہ گئے ہیں <br /> <br />آج ساقی پلا شیخ کو بھی <br />ایک یہ محترم رہ گئے ہیں <br /> <br />یہ گلی کس کی ہے اللہ اللہ <br />اٹهتے اٹهتے قدم رہ گئے ہیں <br /> <br />وہ تو آ کر گۓ بھی کبھی کے <br />دل پہ نقش قدم رہ گۓ ہیں <br /> <br />دل نصیر ان کا تھا لے گۓ وہ <br />ہم خدا کی قسم رہ گۓ ہیں <br /> <br />دورِ ماضی کی تصویرِ آخر <br />اے نصیر ! ایک ہم رہ گئے ہیں <br /> <br /> <br />. اپ کی دعاؤں کاطالب سید شاہد محی الدین بخاری
