follow me at facebook for more poetry. <br />https://www.facebook.com/AliSulehri11 <br /> <br />Agar kabhi meri yaad aaye <br />to chaand raaton ki narm dilgeer roshni mein <br />kisi sitaare ko daikh laina <br />agar woh nakhl-e-falak say urh kar tumhaare qadmon mein aa giray <br />to yeh jaan laina <br />woh ista'ara tha mera dil ka <br />agar na aaye <br />magar yeh mumkin hee kis tarah hai ke tum kisi pe nigaah dalo <br />to us ki deewar-e-jaan na tootay <br />woh apni hasti na bhool jaae <br />agar kabhi meri yaad aae <br />guraiz karti hawaa ki lehron pe haath rakhna <br />mein khushbuwon mein tumhein miloon ga <br />mujhe gulaab ki pattion mein talaash karna <br />mein aus qatron ke aainon mein tumhen miloon ga <br />agar sitaron mein, aus qatron mein, khushbuwon mein <br />na pao mujh ko <br />to apne qadmon mein dekh laina <br />mein gard hoti musaafaton mein tumhein miloon ga <br />kahin pe roshan chiragh dekho to soch laina <br />ke har patangay ke saath mein bhi bikhar chuka hoon <br />tum apne haath say un patangon ki khaak darya main daal daina <br />mein khaak ban kar samandaron mein safar karoon ga <br />kisi na daikhay huway jazeeray pe ruk ke tum ko sadaain doon ga <br />samandaron ke safar pe niklo <br />to us jazeeray pe bhi utarna <br />agar kabhi meri yaad aaye.......... <br /> <br /> <br />(Amjad Islam Amjad)
