I don't own the rights either of the poetry or of the music, hope you like it. Thanks for watching <br /> <br />Poetry: <br />Meine dekha tha un dinon mein usey, <br />Jab woh khilte gulaab jesa tha, <br />Us ki palkon se neend chanti thi, <br />Us ka lehja sharaab jesa tha, <br /> <br />Us ki zulfon se bheegti thi ghataa, <br />Us ka rukh mahtaab jesa tha, <br />Log parhte they haal-o-khad us ke, <br />Woh adab ki kitaab jesa tha, <br /> <br />Bolta tha zubaan khushbuu ki, <br />Log sunte they dharkinon mein usey, <br />Mene dekha tha un dinon mein usey, <br /> <br />Sari aankhen thi ayiney us ke, <br />Sarey chehron mein intikhaab tha woh, <br />Sab se ghul mil kar ajnabi rehna, <br />Aik darya numaa saraab tha woh, <br /> <br />Khawb yeh hai ke woh haqeeqat tha, <br />Yeh haqeeqat hai koi khawb tha woh, <br />Dil ki dharti pe asmaan ki tarah, <br />Suurat-e-saya-e-sahaab tha woh, <br /> <br />Apni neendein bhi us ki nazar hui’n, <br />Mene paaya tha rat jaggon mein usey, <br />Mene dekha tha un dinon mein usey, <br /> <br />Jab woh hans hans ke baat karta tha, <br />Dil ke khaimey mein raat karta tha, <br />Rang parrhte they anchlon mein usey, <br />Mene dekha tha un dinon mein usey, <br /> <br />Yeh magar dair ki kahani hai, <br />Yeh magar door ka fasaana hai, <br />Us ke mere milaap mein haayel, <br />Ab to sadiyon bhara zamana hai, <br /> <br />Ab to yun hai haal apna bhi, <br />Dasht-e-hijraan ki shaam jjesa hai, <br />Kya khabar woh in dinon kesa hoga, <br />Mene dekha tha un dinon mein usey..
