https://www.facebook.com/kinzaapari <br /> <br />Taskeen ko hum na roen jo zauq-e-nazar mile, <br />Huraan-e-Khuld mein terii suurat magar mile !! <br /> <br />Apanii galii mein mujh ko na kar dafn baad-e-qatl, <br />Mere pate se Khalq ko kyon teraa ghar mile !! <br /> <br />Saakii garii kii sharm karo aaj varnaa ham, <br />Har shab piyaa hii karate hain mai jis qadar mile !! <br /> <br />Tujh se to kuchh kalaam nahiin lekin ae nadiim, <br />Meraa salaam kahiiyo agar naamaabar mile !! <br /> <br />Tum ko bhii ham dikhaaye ke majanuun ne kyaa kiyaa, <br />Fursat kashaakash-e-Gam-e-pinhaan se gar mile !! <br /> <br />Laazim nahiin ke Khijr kii ham pairavii karen, <br />Maanaa ke ek buzurg humein humsafar mile !! <br /> <br />Ae saakanaan-e-kuchaa-e-dildaar dekhanaa, <br />Tum ko kahiin jo Ghalib-e-Aashuftaa sar mile !!
