Notontosaina ny alahady 8 martsa teny amin’ny kianjan’ny Maki eny Andohotapenaka ny Gym-Kanons, izay fifaninanana gymkhana nokarakarain’ny WIMS Madagasikara. Ny WIMS, izay fikambanan’ireo vehivavy mihaina ny taranja « sport mécanique » eto Madagasikara, ary tantanan’i Sandy Yannick Solofonirina. <br /> <br />Nahatratra 50 ny mpandray anjara, ary andriambavilanitra ny 15 mahery tamin’ireo. <br /> <br />Fiara fitondra andavanandro tsy misy « arceau » no hafaka mandray anjara amin’ny Gymkhana. <br /> <br />Ao anatin’ny halaviran-dalana voafetra, dia misy ireo sakana maromaro, sy ny sedra toy ny « marche arrière » sy ny « créneau ». Ny ahavitana ny halaviran-dalana ao anatin’ny fotoana fohy sy tsy misy adisoana no ahazoana ny naoty tsara indrindra. <br /> <br />Maro ireo mpijery tonga nijery ny fifaninana, izay marihina fa nahasarika ny maro tokoa. <br /> <br />Tamin’ity andiany voalohany ity, dia i Davonjy no nandrombaka ny amboara. Faharoa kosa i Mparany, ary fahatelo i Mana. <br /> <br />Sylvie no nandrombaka ny amboara eo amin’ny vehivavy, ary i Koloina kosa eo amin’ny vehivavy « junior ». <br /> <br />Aro Rajemison, vao 12 taona, no nadrombaka ny amboara teo amin’ny « junior « lehilahy ».
