Idea e cura Mariano Polimeno <br />Immagini dell'Addolorata in Gallipoli <br />2012/2013/2014 <br /> <br />Stabat Mater dolorosa <br />juxta crucem lacrymosa <br />dum pendebat Filius. <br />Cuius animam gementem, <br />contristatam et dolentem, <br />pertransivit gladius. <br />O quam tristis et afflicta <br />fuit illa benedicta <br />Mater Unigeniti, <br />quae moerebat et dolebat, <br />Pia Mater, cum videbat <br />Nati poenas incliti. <br />Quis est homo, qui non fleret, <br />Matrem Christi si videret <br />in tanto supplicio? <br />Quis non posset contristari, <br />Christi Matrem contemplari <br />dolentem cum Filio? <br />Pro peccatis suae gentis <br />vidit Jesum in tormentis <br />et flagellis subditum. <br />Vidit suum dulcem natum <br />moriendo desolatum <br />cum emisit spiritum. <br />Eja Mater, fons amoris, <br />me sentire vim doloris <br />fac, ut tecum lugeam. <br />Fac ut ardeat cor meum <br />in amando Christum Deum, <br />ut sibi complaceam. <br />Sancta Mater, istud agas, <br />Crucifixi fige plagas <br />cordi meo valide. <br />Tui Nati vulnerati, <br />tam dignati pro me pati, <br />poenas mecum divide. <br />Fac me vere tecum flere, <br />Crucifixo condolere, <br />donec ego vixero. <br />Juxta crucem tecum stare, <br />te libenter sociare <br />in planctu desidero. <br />Virgo virginum praeclara, <br />mihi jam non sis avara, <br />fac me tecum plangere. <br />Fac ut portem Christi mortem, <br />passionis fac consortem <br />et plagas recolere. <br />Fac me plagis vulnerari, <br />cruce hac inebriari <br />ob amorem Filii. <br />Inflammatus et accensus <br />per te, Virgo, sim defensus <br />in die judicii. <br />Fac me cruce custodiri, <br />morte Christi praemuniri, <br />confoveri gratia. <br />Quando corpus morietur <br />fac ut animae donetur <br />Paradisi gloria. AMEN
