Teenager sa Florida, nag-joyride; naaresto dahil sa sarili niyang dash cam video!<br /><br /><br />Joyride ng isang teenager sa Florida, nagtapos sa dalawang banggaan, kung saan sangkot ang apat na kotse, isang helicopter, at isang YouTube video, gawa ng dash cam.<br /><br />Si Robert Charles Kelly IV, ng new Smyrna Beach, ay naaresto sa kanyang bahay, dahil sa kanyang kagaguhan.<br /><br />Hindi man krimen ang pagiging gago, ang pag-alis mula sa eksena ng isang car crash, ang reckless driving at driving without a license ay sapat na para siya ay makulong.<br /><br />Ginawa pa niya ang lahat ng ito, habang kinukunan ng dash cam ng video ang buong pangyayari. <br /><br />Nagsimulang mag-record si Kelly, malapit sa kanyang bahay sa 13th Avenue. Nagmaneho ito na parang isang baliw, nang limang milya, bago siya nag-crash sa isang sedan, malapit sa Jungle Road, alas tres y medya ng hapon.<br /><br />Matapos siyang tumakas mula sa eksena, nag-crash naman siya sa isang SUV, malapit sa Colony Park Road. Dahil sa sobrang bilis ng kanyang pagmamaneho, ang tinamaan niyang SUV ay tumama sa dalawa pang sasakyan.<br /><br />Nawasak ang kotse ni Kelly sa crash, at si Kelly ay na-airlift sa Halifax Health Medical Center. <br /><br />Ayon sa mga doktor, si Kelly pa ay gustong mag-Skype habang ginagamot nila ito. <br /><br />Matapos siyang mai-release mula sa ospital, ay in-upload niya ang dash cam video, na kanyang tinawag na, "Me Driving Like an Idiot," at siya ay naaresto kinabukasan.<br /><br />Ginamit ng pulis ang video bilang ebidensiya laban kay Kelly, na kasalukuyang nakakulong, at ang kanyang bond ay nasa halagang 46,000 dollars.<br /><br /><br />For news that's fun and never boring, visit our channel:<br />http://www.youtube.com/user/TomoNewsPH<br /> <br />Subscribe to stay updated on all the top stories:<br />http://www.youtube.com/subscription_center?add_user=TomoNewsPH<br /> <br />Stay connected with us here:<br />https://www.facebook.com/TomoNewsPH
