Teenager sa Kentucky, pinatay ng pulis, dahil ayaw magpakuha ng sobriety test?<br /><br /><br />Isang 19-year-old na babae sa Kentucky, nabaril at napatay ng pulis, habang paalis mula sa isang field party!<br /><br />Ito si Samantha Ramsey...Sam, sa kanyang mga kaibigan.<br /><br />Si Sam at tatlong kaibigan ay paalis mula sa isang field party sa Hebron, Kentucky, noong Sabado -- nang siya ay nabaril at napatay ng Boone County deputy na si Tyler Brockman.<br /><br />Naging debate ngayon kung ano ang nangyari, at kung bakit nauwi ang lahat sa patayan.<br /><br />Ang siguradong nangyari, ay umalis si Sam at tatlong kaibigan mula sa party sa isang field malapit sa Ohio River, alas dos ng madaling araw.<br /><br />Nakasalubong nila si deputy Brockman, na nagsasagawa ng road sobriety tests, matapos makatanggap ng mga report tungkol sa party.<br /><br />Ayon sa pulis, hindi pinansin nila Sam ang utos ng deputy na huminto, at napabilis pa ito sa pag-andar. Napasampa ang deputy sa hood ng kotse, at binaril niya ng apat na beses ang windshield.<br /><br />Pero ayon sa mga kaibigan ni Sam, na nakasakay rin sa kotse, gumamit ng unnecessary force si Brockman; tumalon ito nang kusa sa hood at nagpaputok ng baril.<br /><br />Si Ramsey ay natamaan ng at least isang bala, at nakumpirmang patay sa isang ospital sa Florence.<br /><br />Ayon sa Boone County Police, ang insidente ay nakunan ng dashcam ng deputy, at ire-review nila ito bago ito mai-re-release sa publiko.<br /><br />Si Brockman ay nailagay na sa administrative leave, hanggang sa matapos ang imbestigasyon ng insidente.<br /><br /><br />For news that's fun and never boring, visit our channel:<br />http://www.youtube.com/user/TomoNewsPH<br /> <br />Subscribe to stay updated on all the top stories:<br />http://www.youtube.com/subscription_center?add_user=TomoNewsPH<br /> <br />Stay connected with us here:<br />https://www.facebook.com/TomoNewsPH
