Peoria Mayor Jim Ardis, napikon at pinahanap sa pulis ang gumawa ng pekeng Twitter account!<br /><br /><br />Limang tao, ininterrogate para sa pekeng Twitter account!<br /><br />Maraming parody Twitter accounts ang nagkalat sa Internet -- mula sa Queen of England sa UK, hanggang sa dating presidente ng Amerika na si Bill Clinton. Pati sina Jesus Christ at si Lord Voldemort!<br /><br />Pero ang mayor ng Peoria, Illinois, na si Jim Ardis, ay hindi natawa nang siya ay naging punchline ng biro sa social media.<br /><br />Ang Twitter account na @Peoriamayor ay ilang linggo nang nasuspinde. Pero desidido pa rin ang mga opisyales sa Peoria na malaman kung sino ang responsable sa pekeng account na ito.<br /><br />Pitong police officers na nakasuot ng normal na damit ang nag-execute ng search warrant sa 1220 North University street, Martes ng gabi.<br /><br />Si Michelle Pratt ay naliligo nang kinatok ng pulis ang kanyang pinto.<br /><br />Kinumpiska ng pulis ang mga cell phones at computers mula sa bahay, at dinala ang tatlong residente sa police station para sila ay ma-interrogate. <br /><br />Isa sa mga residente, si Jacob Elliott, ay kinasuhan ng drug possession, nang nakahanap ng marijuana sa kanyang mga kagamitan ang pulis. <br /><br />Hinanap ng pulis ang dalawa pang pinagsususpetyahang impersonators, sa kanilang trabaho, at sila rin ay na-interrogate.<br /><br />Ayon kay Michelle Pratt, itinuring siyang kriminal ng mga pulis, at iisa lang ang nais nilang malaman -- kung alam niya ang tingkol sa pekeng Twitter account. <br /><br />Ang account na ito ay may limampung tweets at limampung followers lamang, bago ito naisara. <br /><br />Kapag sila ay nakasuhan, maaring humarap ang mga impersonators ng isang taong pagkabilanggo, para sa false impersonation of a public official. <br /><br />Walang ibinigay na comment si Mayor Jim Ardis tungkol dito.<br /><br />Kayo na ang bahalang magsulat ng mga jokes, at huwag kalimutan ang hashtag na 'justjoking.' <br /><br /><br />For news that's fun and never boring, visit our channel:<br />http://www.youtube.com/user/TomoNewsPH<br /> <br />Subscribe to stay updated on all the top stories:<br />http://www.youtube.com/subscription_center?add_user=TomoNewsPH<br /> <br />Stay connected with us here:<br />https://www.facebook.com/TomoNewsPH
