Pamilya sa Florida, binaril at pinatay ang isang magnanakaw sa loob ng kanilang tirahan!<br /><br />Isang magnanakaw ang nabaril at napatay, matapos niyang pasukin ang isang bahay sa Winter Haven, Florida, madaling araw noong April 7. <br /><br />Si Luis at Bacenbina Pena, at ang kanilang anak na lalaki, ay nagising nang narinig nila ang mga ingay mula sa labas ng bahay. <br /><br />Nagdala ang tatlong magpapamilya ng armas, at nagtungo sa kusina. Sinigawan ni Luis ang magnanakaw, at sinabihan itong huwag pumasok sa bahay. <br /><br />Nagpaputok si Luis ng warning shot, pero hindi nagpaawat ang magnanakaw. <br /><br />Nang pinasok ng magnanakaw ang pinto, nagpaputok ang pamilya ng ilang beses, at natamaan ang magnanakaw ng at least isa sa mga bala.<br /><br />Iniimbestigahan pa kung sino ang nagpaputok ng baril, at kung ilang beses, pero kinumpirma ng pulis na may dalawang armas ang na-discharge. <br /><br />Pagdating ng pulis sa eksena, natagpuan nilang patay sa loob ng bahay ang magnanakaw. <br /><br />Nakilala ng pulis ang 40-year-old na si Mitchell Large, na nakatira malapit sa pamilyang kanyang ninakawan, at may criminal history para sa assault at domestic violence. <br /><br />Ayon sa mga awtoridad, ang pamilya ay malamang na hindi haharap sa mga kaso, dahil sila ay kumilos lang bilang self-defense.<br /><br /><br />For news that's fun and never boring, visit our channel:<br />http://www.youtube.com/user/TomoNewsPH<br /> <br />Subscribe to stay updated on all the top stories:<br />http://www.youtube.com/subscription_center?add_user=TomoNewsPH<br /> <br />Stay connected with us here:<br />https://www.facebook.com/TomoNewsPH
