Helios Airways flight 522, nag-crash dahil sa 'uncontrolled decompression'<br /><br /><br /><br />Helios Airways Flight 522, nag-crash sa Greece.<br /><br />Ang Helios Airways flight 522 ay nag-crash noong August 14, 2005, dahil nawalan ng oxygen ang crew members, at nawalan ng gasolina ang eroplano.<br /><br />Dumating ang eroplano sa Cyprus, nang may problema sa pressurization system, na nai-set sa manual matapos ang isang pressure check.<br /><br />Bago mag-takeoff, tatlong beses na hindi napansin ng flight crew ang pagkakamaling ito.<br /><br />Umalis mula sa Larnaca International Airport ang eroplano, 9:07 ng umaga...<br /><br />Papunta sa Prague, at may stopover sa Athens.<br /><br />Ang altitude warning alarm sa cabin ay tumunog nan gang eroplano ay patuloy na lumipad pababa.<br /><br />Sa puntong ito, ang mga piloto ay hindi na makahinga nang maayos, at hindi nila naintindihan ang warning signals. 9:20 ng umaga nang nawalan ng contact sa mga ground controllers ang eroplano. Bumagsak na rin ang mga oxygen masks sa loob ng cabin.<br /><br />Dalawang Greek air force F-16 fighter jets ang nagmadaling kontakin ang eroplano, nang hindi nito nasagot ang mga tawag ng Athens air traffic control.<br /><br />Napansin ng mga piloto ng F-16 na nawawala ang piloto ng eroplano, samantalang nawalan ng mala yang first officer.<br /><br />11:49 ng umaga, at ang flight attendant na si Andreas Prodromou ay pumasok sa cockpit at sinubukang i-landing ang eroplano.<br /><br />Pero huli na ang lahat, at wala nang gasolina ang eroplano.<br /><br />12:04 ng hapon, nag-crash landing ang eroplano malapit sa bayan ng Grammatiko, sa East Attica, Greece. Walang naligtas.<br /><br />Ito ang pinakamalubhang aviation disaster sa kasaysayan ng Greece: isang daan, dalawampu't isang tao ang namatay, at ito ang ikaapat na deadliest accident, kung saan sangkot ang isang Boeing 737-300 jet.<br /><br /><br /><br />For news that's fun and never boring, visit our channel:<br />http://www.youtube.com/user/TomoNewsPH<br /> <br />Subscribe to stay updated on all the top stories:<br />http://www.youtube.com/subscription_center?add_user=TomoNewsPH<br /> <br />Stay connected with us here:<br />https://www.facebook.com/TomoNewsPH
