Embona sy hanina <br />Tsiahy mahafanina <br />Ngoly ny fo mamelovelo <br />Madisadisan'alahelo <br />Ny havona tazanina <br />Tsy hita ho dinganina <br />Fa lavitra loatra ianao ka tsy tratra <br />Ny aina marary ny fo maratra <br /><br />Fa ny antsoko ny akony no mitampody <br />Mba nihika mafy ihany aho fa tsy tody <br />Izay jereko manjavozavo <br />Takon-drahona sy vohitra avo <br />Fa mahery sy masiaka ny onja <br />Tsisy lakana mety afaka hitondra <br />Ny maso no alefa maminany <br />Hibanjina anao any ho any <br /><br />Alahelo sy toloko <br />Raha vao injay tsaroko <br />Fa noho ny asoparan'ny tany <br />Izaho aty ianao lavitra any <br />Tsy azo hihadiana ny anjara <br />Izay angamba no heveriny ho tsara <br />Izaho tsy kivy tsy ketraka <br />Na dia mangidy mavesatra <br /><br />Fa ny ahy dia fitia tena marina <br />Na anaty onaona aza ho tafarina <br />Na halevina mety handifitr'olona <br />Hiposaka haniry hamololona <br />Ny hany hafatro dia ny hoe matokia <br />F'izaho tsy hitsahatra ny ho tia <br />Tsy ny halavitana tsy ny taona <br />No ahasakana ny fontsika tsy hihaona
