ஆராரோ பாட இங்கு தாயுமில்லை <br />உனை அள்ளி செல்லம் கொஞ்ச யாருமில்லை <br />நீ மண்ணில் வந்துதிக்க உன்னை யாரும் ஒன்றும் கேட்கவில்லை <br />விதி கண்ணை மூடிக்கொண்டு தெருவில் எறிந்ததொரு வானவில்லை <br />என் அன்பே என் அன்பே இந்த காயம் ஆறிவிடும் தூங்கு <br />என் கண்ணே என் மணியே உன்னை தன்னந்தனியாய் நீ தாங்கு <br />ஆராரோ பாட இங்கு தாயுமில்லை <br />உனை அள்ளி செல்லம் கொஞ்ச யாருமில்லை <br /> <br /> <br />கடவுளின் உருவம் எதுவென மழலை சிரிப்பிலே அறிய வைக்கின்றாய் <br />சேற்றிலே மலர்ந்த தாமரை மலரைப் போலவே நீ தோன்றினாய் <br />பூமியிது புனிதமில்லை ஆயிரம் அசுத்தங்கள் உள்ளது <br />தீயிலுமே நீந்தி வர நீ இன்று கற்றுக்கொள் நல்லது <br />இந்த உலகம் என்பது இன்பதுன்பம் உள்ள பாதையடா <br />நீ முட்டிமோதி எழ வழிகள் சொல்லித்தரும் கீதையடா <br />ஆராரோ பாட இங்கு தாயுமில்லை <br />உனை அள்ளி செல்லம் கொஞ்ச யாருமில்லை <br /> <br /> <br />நதியிலே விழுந்த இலையென உனது பயணங்கள் தொடர்ந்து போகட்டும் <br />அலைவரும் அடுத்த திருப்பத்தில் உனது கரை எதிரிலே தோன்றிடும் <br />வேர் எங்கோ செடி எங்கோ நீ இங்கே தனியாய் பூக்கிறாய் <br />வழிதவறி வீட்டில் வந்த பறவையைப் போலவே பார்க்கிறாய் <br />நீ கடவுள் எழுதி வைத்த மண்ணில் வந்த ஒரு கவிதையடா <br />அதன் இடையில் இரு உயிர்கள் செய்த எழுத்துப்பிழை பாவமடா <br /> <br />ஆராரோ பாட இங்கு தாயுமில்லை <br />உனை அள்ளி செல்லம் கொஞ்ச யாருமில்லை <br />நீ மண்ணில் வந்துதிக்க உன்னை யாரும் ஒன்றும் கேட்கவில்லை <br />விதி கண்ணை மூடிக்கொண்டு தெருவில் எறிந்ததொரு வானவில்லை...
