Jab husn tha unka jalwanuma anwar ka alam kya hoga<br />Har koi fida hai bin dekhe didar ka alam kya hoga<br /><br />Tum muqabil they to pehro chand barhta noor ka<br />Tum sey chhup kar munh nikal aya zara sa noor ka<br /><br />Jab husn tha unka jalwanuma anwar ka alam kya hoga<br />Har koi fida hai bin dekhe didar ka alam kya hoga<br /><br />Dil ko deed-e-rukh-e-Mustafa chahiye aine ke lie aina chahiye<br />Kal to deedar ka din aur yahan ankh bekar hai kya hona hai<br /><br />Jab husn tha unka jalwanuma anwar ka alam kya hoga<br />Har koi fida hai bin dekhe didar ka alam kya hoga<br /><br />Jiss waqt they khidmat mein unki Abu Bakr-o-Umar Usman-o-Ali<br />Uss waqt Rasool-e-Akram ke darbar ka alam kya hoga<br /><br />Ik samt Ali ik samt Umar Siddique idhar Usman udhar<br />Un jagmag jagmag taron mein mahtab ka alam kya hoga<br /><br />Chahein to ishare sey apne kaya hi palat dein dunya ki<br />Yeh shaan hai khidmat-garon ki to sakar ka alam kya hoga<br /><br />Allah o ghani sub'han allah kya khoob hai roze ka naqsha<br />Iss paar ka jab yeh alam hai to uss paar ka alam kya hoga<br /><br />jab sham-e-Risalat roshan ho kyunkar na jaley parwana idhar<br />Jab rashq-e-maseeha ajaye to bimar ka alam kya hoga<br /><br />Laraib Arab ke zarron par anwar ki barish hoti hai<br />Ay najam najane taiba ke gulzar ka alam kya hoga
