Massimo Ranieri - 'A Rumba de scugnizzi <br /> <br />Chesta è ‘a rumba de scugnizze <br /> ca s’abballa a tutte pizze… <br />Truove ‘e ddame, ‘mpizze ‘mpizze, <br /> ca te fanno duje carizze <br /> pe’ te fá passá ‘e verrizze… <br />Strette ‘e mane, vase e frizze… <br />Pruove gusto e te ce avvizze, <br /> cchiù te sfrine e cchiù t’appizze… <br />Comm’a tanta pire nizze, <br /> te ne scinne a sghizze a sghizze, <br /> fino a quanno nun scapizze… <br />Chest’è ‘a rumba de scugnizze! <br /> <br />‘O rilorgio, mo capisco, <br /> pecché ‘o cerco e nun ‘o trovo… <br />steva appiso…E’ ghiuto ô ffrisco: <br /> c’è rimasto sulo ‘o chiuovo… <br /> <br />‘O chiuovo i’ tengo! <br /> Cic – cic – cic – cí… <br /> <br />Belle ‘ammere! <br /> Cic – cic – cic – cí… <br /> <br />Scarole ricce pa ‘nzalata! <br /> Cic – cic – cic – cí… <br /> <br />Fenócchie! <br /> Cic – cic – cic – cí…. <br /> <br />‘O spassatiempo! <br /> Cic – cic – cic – cí… <br /> <br />Mo te ccoglio e mo te vvengo! <br /> Cic – cic – ci – cí… <br /> <br />Gué, ll’aglie! <br /> Cic – cic – cic – cí… <br /> <br />Chesta è ‘a rumba de scugnizze… <br />Assettáteve, assettáteve! <br /> ca s’abballa a tutte pizze… <br /> ‘O quadrillo e ‘a figurella! <br /> Truove ‘e ddame, ‘mpizze ‘mpizze… <br /> ‘O mastrillo e ‘a rattacasa! <br /> ca te fanno duje carizze… <br />Quant’è bello ‘o battilocchio! <br /> Pruove gusto e te ce avvizze… <br />Pe’ chi tene ‘a moglie pazza! <br /> Cchiù te sfrine e cchiù t’appizze… <br />Quatto sorde, ‘o fenucchietto! <br /> <br />Comm’a tanta pire nizze… <br />te ne scinne a sghizze a sghizze, <br /> fin’a quanno nun scapizze! <br /> Chesta è ‘a rumba de scugnizze! <br /> <br />Puparuole e aulive… <br />Magnáteve ‘o cocco, magnáteve ‘o cocco! <br /> Rrobba vecchia… <br />Pallune pallésse, pallune pallésse! <br />‘E mellune chine ‘e fuoco… <br />Na bona marenna, na bona marenna! <br /> Cotogne… <br />Gelati, gelati, gelati, gelati! <br /> Conciatièlle… <br /> ‘A pizza cu ‘alice, ‘a pizza cu ‘alice! <br /> Furno ‘e campagna… <br /> ‘E lazze pe scarpe, ‘e lazze pe scarpe! <br /> Do ciardino, tutte secche… <br /> ‘A capa do purpo, ‘a capa do purpo! <br />‘O Roma!… <br /> <br />Chella bella Mamma do Cármene vo ppava: <br /> Nun mmo ppòzzo faticá!… <br /> <br />E’ bellella ‘a paparella! <br /> Accattateve ‘e piatte! <br /> Seje tuvaglie cinche lire! <br /> N’ata pianta po salotto! <br /> Nocelline americane! <br /> Tengo ‘o ggrano pa pastiera! <br /> Pacchianè’, chi so ppenzava? <br /> Tiene chistu campo ‘e fave! <br /> Cicchignacco ‘inta butteglia! <br />‘O zi’ monaco ‘mbriacone! <br />‘O vveleno pe scarrafune! <br />‘A dummeneca addó’ ta faje? <br /> <br />Comm’a tanta pire nizze, <br /> te ne scinne a sghizze a sghizze, <br /> fino a quanno nun scapizze! <br /> <br />Chest’è ‘a rumba de scugnizze!
