Kandidati i mazhorancës për president Xhezair Zaganjori ka mbërritur rreth orës 10.00 në zyrën e kreut e PS-së Edi Rama. Pas 60 minutash takimi, Zaganjori nuk ka dhënë për gazetarët detaje nëse ka marrë apo jo dakordësinë e PS për kandidaturën e tij.<br />"Takimin e kërkova unë në të mirë të debatit. Kam përshkruar arsyet e kandidimit tim, sepse edhe për mua pranimi i propozimit nuk ka qenë i lehtë", tha Zaganjori për mediat jashtë selisë së PS.<br />Kreu i PS, Edi Rama nuk ka bërë asnjë koment pas takimit me kandidatin e propozuar nga mazhoranca për Presidentin e ri të vendit.
