Dita e hapur për takim me qytetarët e qytetit të Shkupit, u shndërrua në mundësi që të kontaktoni me kryetarin Koce Trajanovski, por me kushte nëse keni qenë në listë. Po qe se sot do të shkonit me vetë iniciativë në zyrat e qytetit për të biseduar me kryetarin për problemet e juaja ose ndoshta lëvdatat e juaja për punën e tij të mirë, nuk do të kishit mundësi ta keni kënaqësi për kontakt personal.<br />"Vijnë një numër i madh i qytetarëve. Ne kemi edhe zyrën ku punojnë tre njerëz të qytetit të Shkupit dhe nga ata njerëz që vijnë atje ne bëjmë përzgjedhjen e atyre që më së shumti iu nevojitet diçka. Në këtë mënyrë bëjmë edhe përzgjedhjen e të ftuarve", deklaroi Koce Trajanovski, kryetar i Shkupit.<br />Megjithatë qytetarët që arritën të jenë në listë për t'i pranuar kryebashkiaku ankoheshin për probleme të ndryshme. Disa kishin ankesa nga fusha e urbanizmit, disa me veprimtarinë hotelierike, të tjerët madje kërkonin ujë.<br />"Erdha për planin urbanistik të qytetit të Shkupit që ka ndryshime. Më intereson për lokacionin tonë në Gazi Babë".<br />"Për hotelierin në Çarshinë e vjetër të Shkupit, ne që rregullisht paguajmë për tarracat nuk jemi të mbrojtur, kurse të tjerët që nuk paguajnë janë më të mbrojtur se ne".<br />"Një pjesë të madhe të jetës e kalova atje lart në Kuçkovë. Kemi një problem të madh, punë e paparë, nuk kemi ujë, s'kemi ujë, u bë njëfarë projekti, uji rrodhi gjysmë viti, e tani s'ka ujë".<br />Kryebashkiaku tha se takimi i ardhshëm me qytetarët do të jetë në shtator pas pushimeve verore. Bojana Simonoviq
