Në zonën e lirë ekonomike Bunarxhik të Shkupit filloi ndërtimi i fabrikës për autobusa të kompanisë belge Van Hool. Belgët në zonën e lirë do të investojnë 20 milion euro dhe do të punësojnë mbi 400 persona. Ndërtimi i fabrikës duhet të përfundojë vitit të ardhshëm, për shkak se Van Hool tanimë kanë firmosur marrëveshje për eksportimin e 300 autobusave nga Maqedonia në Shtetet e Bashkuara të Amerikës. Kryeministri Nikolla Gruevski pranoi se çelsi i këtij investimi belg ka qenë EVN-Maqedoni e cila u ka dalë në ndihmë belgëve dhe për një kohë të shkurtër u ka siguruar energjinë elektrike.<br />"Puna e fundit e cila mbeti për të përfunduar pas harmonizimit të të gjitha detajeve të tjera ishin edhe kushtet të cilat do t'i ofrojë EVN-Maqedoni. Atëherë ju paraqita drejtorit të saj dhe i thash se të gjitha detajet tjera janë harmonizuar dhe mbetet vetëm marrëveshja me EVN-në, marrëveshje nga cila varej investimi i belgëve, i luta që me kujdes ta shyrtojnë këtë kompani sepse gjithçka tjetër ishte gati. Investitori pas takimit me EVN-në doli i kënaqur dhe tha se edhe kjo punë është e kryer", deklaroi Nikolla Gruevski, kryeministër.<br />Drejtori ekzekutiv i kësaj kompanie Filip, Van Hool u shpreh se arsyeja për të investuar në Maqedoni është potenciali për zhvillim ekonomik.<br />"Njerëzit më pyesin pse investoni në Maqedoni, pse nuk investoni në shtete si India dhe Kina ku ka rritje ekonomike, unë u them ky është një nga qendrat e rritjes ekonomike në botë dhe ka histori të lidhjes të shumë anëve të botës lindjes dhe perëndimit, ndërsa tani Evropën me SHBA-në", u shpreh Filip Van Hool, drejtor ekzekutiv i kompanisë Van Hool.<br />Investimi i belgëve të Van Hool në Bunarxhik vjen pas investimit të kompanive Motherson Group, Protek Group, Xhonson kontrolls, Xhonsoon Meti, Tekno Koze dhe Kemet Electronics. Nevzat Mamuti
