Filigrani që diktur ishte shumë i përharur si zanat, sot gjithnjë e më shumë po zhduket. Nga njëra anë mungesa e interesimit tek të rinjtë ndërsa nga ana tjetër mos vlerësimi sa duhet i këtij zanati që ka rrënjët tek ilirët janë arsyet kryesore përse ky zanat dita ditës po humbet. Filigranisti i vetëm në Çarshinë e Shkupit është Xheladin Asani, i cili shpjegon se vetëm me këmbëngulje dhe përkushtim të madh mund të korret sukses në këtë mjeshtëri.<br />'Kanë mbetur shumë pak filigranist pasi që shumica kanë shkuar jashtë shtetit për shkak se puna e dorës atje vlerësohet më shumë. Filigrani ka një histori të lasht histori ilire ku nëpërmjet emigrimit filigrani është zgjeruar . Thelbi i filigranit është në Shkodër, filigranin e kanë punuar shqiptarët. Të kthehemi pak me mbas, aq sa kam njohuri filigrani ka qenë prezent shumë në Shkup ka pasur shumë shqiptar që e kanë punuar filigranin këtu në Çarshinë e vjetër. Ç'do njeri nuk mund të bëhet filigranist ajo nuk është e komplikuar por duhet njohuri të mëdha. Filigrani kërkon njerëz të veçantë të rinj këmbëngulës që të korrin sukses', shprehet filigranisti Xheladin Asani.<br />Nga ana tjetër Adnan Sulejmani përgjegjës i punëtorisë për filigranin, shprehet se situata është akoma më e keqe tek shqiptarët pasi ata nuk janë të interesuar për punën e filigranit, ndërkohë interesim më të madh ndaj këtij zanati tani tregojnë maqedonasit.<br /> "Për teknikën e filigranit shqiptarët nuk janë fare të interesuar. Paraqitet shpallje në gjuhën shqipe dhe maqedonase, kursi është 6 mujor, punohet 4 orë në ditë, përveç shtunës edhe dielës pagesa është 8 mijë denarë. 6 muaj punohet për të mësuar teknikën e filigranit, dhe punohet vetëm me argjend. Nuk e dimë a është shkaku i pagesës apo ndonjë shkak tjetër domethënë se marrin pjesë vetëm maqedonët në këto projekte", thotë Sulejmani.<br />Drejtori i Odës së zanatçinjve Nikolla Petrov Kole thotë se jo vetëm filigrani por edhe zanatet e tjera të vjetra në Shkup kanë stagnuar. Prandaj kjo odë është angazhuar si thekson ai për zhvillimin dhe ringjalljen e zanateve të shumta.<br /> "Nuk bëhet fjalë vetëm për filigranin ne ndihmojmë për zhvillimin e zanateve pasi zanati në Shkup është në fazë të stagnimit, nuk kemi numër të madh të zanateve këtë e them me plot bindje pasi numri i nxënësve të regjistruar ne shkollat e mesme teknike është shumë i vogël se sa në degat e gjimnazit dhe mjekësisë",thekson drejtori i Odës së zanatçinjëve Nikolla Petrov Kole.<br />Ky art i shkrirë behet nga argjendi dhe ari, dhe si traditë e lashtë shqiptare punohet në Shkup, Shkodër e Prizren. Është një nder stolitë më të bukura dhe më të çmuara që ende vihen dhe blihen nga gjinia më e butë në formë unazeje, qaforeje e bylyzyku. Valdrina Veliji
