Në 15 vjetorin e vdekjes Nënë Tereza sot u lut për Institutin e Trashëgimisë shpirtërore dhe kulturore të shqiptarëve të udhëhequr nga drejtori i tij Shefqet Zekolli. Në praninë e një numri të vogël pjesëmarrësish kryesisht anëtarë të Institutit u mbajt ky manifestim në të cilin edhe pse pritej nuk erdhën as zv/ kryeministri Musa Xhaferi e as kryetari i komunës së Çairit Izet Mexhiti të cilët mbështetën këtë manifestim. Ndërkaq të pranishmit në këtë solemnitet folën për jetën dhe veprën e shenjtë të humanistes shqiptare Gonxhe Bojaxhiu si dhe rëndësinë që paraqet figura e saj për popullin shqiptar por dhe gjithë njerëzimin.<br />"Vlerat universale që ka nëna Terezë janë shumë të rëndësishme për ardhmërinë shqiptare dhe gjithë popujve që besojnë në harmoninë e vlerave komplekse. Është fakt se Nëna Terezë ka mundur të lind të formohet dhe të krijojë në një vend siç është Ballkani ku kryqëzohen civilizime fesh, ideologji etj dhe të mbetet në plotë kuptimin e fjalës njeri i cili e përmban gjithë botën në vete", u shpreh Luan Starova, akademik.<br />"Unë apeloj jo vetëm ta përkujtojmë Nënën Terezën në këto çaste por edhe të përpiqemi dhe të veprojmë ashtu siç na ka mësuar Nënë jonë", tha Anton Sereqi, Komisioni për marrëdhënie mes Bashkësive Fetare.<br />Nobelistja shqiptare Gonxhe Bojaxhiu vdiq më 5 shtator 1997 në Kalkuta. Për nder të saj sot u shfaq edhe filmi 'Nënë Tereza dhe bota e saj' në shtëpinë përkujtimore të Nënë Terezës. Ndryshe Instituti për Trashëgimi kulturore dhe shpirtërore të shqiptarëve edhe muajin e kaluar për nderë të Nënë Terezës organizoi një meshë në gjuhën shqipe në Shtëpinë muze të Nënë Terezës në Shkup. Semra Jakupi
