Megjithë kontrollimin e listës zgjedhore, në të vazhdojnë të gjenden edhe mbi 140 votues me dokumente të vjetra identifikimi të cilat janë të pavlefshme nga shkurti i këtij viti. Sipas të dhënave të fundit në listën zgjedhore ka 146.472 votues me dokumente të vjetra identifikimi, prej tyre mbi 33 mijë janë jashtë shtetit. Nga kontrollimi i 65 mijë personave të tillë, që përfshijnë periudhën nga viti 1981-1999, drejtoria për regjistrin amë ka konstatuar mbi 1000 persona të vdekur dhe po aq persona me status të panjohur.<br />"Drejtoria e regjistrit amë ka kontrolluar 65.308 persona që janë në listën zgjedhore, të dërguar nga ana e MPB-së. Nga kontrolli janë konstatuar 1130 persona të vdekur në regjistrin amë, por jo edhe në sistemin e MPB-së. Për 1123 persona kemi mospërputhje në regjistrin amë konkretisht persona të tjerë figurojnë në listën e MPB-së. Janë konstatuar 43 persona që kanë hequr dorë nga shtetësia, ndërsa për 97 persona ofiqarët kanë njohuri se personat kanë vdekur por s'ka kush e paraqet rastin. Numri më i madh paraqitet tek personat që kanë status të panjohur gjithsej 1373, të cilët ose kanë ndryshuar emrin ose nuk figurojnë në listën e MPB-së", deklaroi Katerina Bitrovska, Drejtoria e regjistrit amë.<br />Dilema kryesore që u shtrua në takimin e sotëm të grupit të punës për pastrimin e listës zgjedhore, ishte nëse këta persona duhet apo jo të jenë pjesë e listës zgjedhore. Për LSDM-në, personat e tillë nuk duhet të jenë, ndërsa kryetari i grupit punues Bedredin Ibrahimi pohon të kundërtën. Problem tjetër paraqet edhe votimi i diasporës.<br />"Në nenin 41, paragrafi 4 thuhet se në listën zgjedhore shënohen të gjithë qytetarët mbi 18 vjeç që kanë vendbanim, që posedojnë dokument të vlefshëm identifikimi; letërnjoftim ose pasaportë. Pra, që t'ju regjistrojnë në listën zgjedhore duhet të keni dokument biometrik. Tani shtrohet pyetja; çfarë ndodh me ata që janë në listë dhe që nuk kanë dokument biometrik, prandaj duhet të rekomandojmë që këto persona të mos jenë pjesë e listës zgjedhore pasi, prapëseprapë ata nuk kanë të drejtë vote", tha Jani Makraduli, LSDM.<br />"Unë vlerësoj se pavarësisht nëse qytetari ka ose jo dokument të ri identifikimi duhet të jetë në listën e zgjedhësve kurse është çështje tjetër nëse ai qytetar do të realizoj të drejtën e tij që në ditën e zgjedhjeve të votoj nga shkaku se para këshillit zgjedhor ai duhet të identifikohet me dokument të ri pra letërnjoftim ose pasaportë të ri biometrik", u shpreh Bedredin Ibrahimi, kryetar i grupit punues.<br />Bedredini u shpreh i kënaqur nga puna e deritanishme rreth pastrimit të listës zgjedhore dhe konsideron se nëse vazhdohet me këtë dinamikë, atëherë numri i votuesve me dokumente të vjetra identifikimi deri në fund të vitit do të arrij shifrën prej 70 mijë. Organet e përfshira në këtë grup pune kanë për obligim që deri më 5 tetor të kontrollojnë të dhënat e personave me dokumente të vjetra identifikimi që janë në lisën zgjedhore ndërsa do të përfshijnë periudhën 2000-2012. Gjyltene Rex...
