Një numër i madh mjekësh të Qendrës Klinike në Shkup, punonjës në spitalin e përgjithshëm të qytetit "8 Shtatori" dhe në spitalet klinike në tërë Maqedoninë, sot gjatë pushimit dolën në një grevë paralajmëruese. Nga Sindikata e pavarur e Qendrës Klinike janë të kënaqur nga numri i mbështetësve të grevës, ndonëse një numër i madh i mjekëve kishin presione dhe kërcënime nga drejtorët e tyre që të mos e mbështesin atë.<br />"Kishte mjaft pengesa nga ana e drejtorëve. Drejtorët ushtronin presion psikologjik ndaj të punësuarve me vetë praninë e tyre, kishte edhe urdhra, e madje edhe kërcënime për mbylljen e disa klinikave, por mendoj se asgjë nuk i pengoi mjekët që të dalin këtu dhe të shprehin pakënaqësinë e tyre", deklaroi Dejan Stavriq, kryetar i Sindikatës së pavarur të Qendrës klinike.<br />Nga Sindikata thonë se më shumë presione ushtrojnë drejtorët e klinikave të kardiologjisë, nefrologjisë, toksikologjisë dhe neurokirurgjisë. Megjithatë, mjekët nuk heqin dorë nga kërkesat e tyre.<br />"Jemi njëzëri, se jemi të pakënaqur. Të gjitha pakanqësit i kemi theksuar që më herët përmes sindikatës. Tani ta shohim. Edhe të tjerët le të mendojnë pak më ndryshe", tha Ilir Shabani, mjek.<br />"Protesta e sotme mund të thuhet se, dëshmon që po punojmë për realizimin e kërkesave tona. Bisedimet do të vazhdojnë dhe do të shohim", u shpreh Dr. Jovica Gavrillovski.<br />Nga Organizata sindikale e Spitalit të përgjithshëm kërkuan heqjen urgjente të pagesës së planifikuar sipas kontributit, sepse sipas tyre, ajo ndikon negativisht ndaj shëndetit të pacientëve.<br />"U gjetën lëshime të mëdha në këtë projekt që na pengon në punën e përditshme dhe që madje e rrezikon shëndetin e pacientëve, pasi nuk sjellë cilësi", deklaroi Dr.", tha Natasha Gramatikovska, Kryetare e organizatës sindikale "8 Shtatori".<br />Protesta paralajmëruese u organizua pasi Gjykata u ndaloi mjekëve që të protestonin përgjatë gjithë ditës. Ministria e Shëndetësisë e paditi grevën, për parregullsi. Ndërkaq, bisedimet mes sindikatave dhe ministrisë së shëndetësisë janë caktuar për nesër. Protestën e mbështetin edhe nga Sindikata e pavarur e shëndetësisë, farmacisë dhe mbrojtjes sociale. Në protestë nuk dolën vetëm anëtarët e sindikatës 'Nënë Tereza'. Bojana Simonoviq
