Nuk ka marrëveshje mes pushtetit dhe opozitës për buxhetin e vitit të ardhshëm edhe pas koordinimit të sotëm të dytë me kryetarin Trajko Velanovski. Propozimi i Velanovskit, që të gjithë amendamentet të dërgohen në Qeveri dhe ajo me shkrim të prononcohet për to, dhe pastaj informacioni për tu dorëzohet grupeve parlamentare, për opozitën është i papranueshëm pasi nuk ofron një zgjidhje dhe në mënyrë plotësuese shkel rregulloren.<br /><br />"Propozimi i Trajko Velanovskit supozoj se është dhënë në emër të VMRO-DPMNE-së dhe në emër të Qeverisë, është skandaloz, i pahijshëm dhe është pazar në kafene. Edhe më parë edhe tani dhe deri në fund informojmë se ne me paratë e qytetarëve nuk bëjmë pazar dhe në pazarin e tillë nuk hyjmë", tha Igor Ivanovski, LSDM.<br />Përkundër kundërshtimit të opozitës, qeveria do të deklarohet me shkrim lidhur me amendamentet.<br /><br />"Do ti shqyrtojmë të gjitha amendamentet edhe atje ku ka amendamente të cilat përputhen me konceptin e qeverisë për përmirësimin e standardit jetësor, do të deklarohemi pozitivisht", deklaroi Zoran Stavreski, Ministër i Financave.<br /><br />Komisioni i financave dhe buxhetit po zhvillohet në një atmosferë të tendosur dhe të tensionuar. Në sallë thuajse edhe nuk diskutohet për amendamentet. Dominojnë akuzat e ndërsjella. Për nesër është planifikuar koordinimi i ri me kryetarin e Parlamentit Velanovski. Natasha Stojanovska
