"Bota e çudirave, prej çokollate" është emri i parkut të vetëm në botë kushtuar kënaqësive të ëmbla, të bëra me kokrra aromatike kakaoje. Ajo gjendet në qytetin kinez të Shangait, dhe mbrëmë, u hap zyrtarisht për adhuruesit. Skulpturat gjigante prej çokollate dhe specialitetet e shijshme ishin vetëm një pjesë e vogël e ceremonisë.<br /><br />"Shëtitja nëpër park është planifikuar të jetë si një udhëtim nëpër historinë e çokollatës. Duam që vizitorët të mësojnë se kjo nuk është thjesht një ëmbëlsirë. Përveçse çokollata plotëson shqisat tona, ajo nxit edhe kënaqësi psikike",u shpreh Ani Sun, drejtor i parkut.<br /><br />Ndër sektorët më interesant të ekspozitës, ishte edhe ai ku vizitorët mund të provojnë pastën e çokollatës të bërë sipas recetës tradicionale të Majëve të Lashtë.<br /><br />"Pjesa më e vështirë është si t'i mbajmë ëmbëlsirat të buta. Këtu është shumë ftohtë dhe ato ngrijnë shpejtë. Pastaj, edhe copëtohen", tha Sebastian Roça, pastiçier nga Meksika.<br /><br />Megjithatë, shumica e vizitorëve nuk janë të interesuar, nëse çokollatat janë të plasaritura apo jo. Për ta, gjithë ky eveniment, ishte madhështor.<br /><br />"Këtu gjithçka është e mrekullueshme. Çdo pjesë është interesante. Nuk mund të mbajë veten, më vjen të hyjë në vitrinë dhe të ha çdo gjë që të më dalë përpara", tha Kao Jiven, vizitor.<br /><br />"Çdo pjesë është e bukur dhe duket si e vërtetë. Në pamje të parë, nuk mund të dalloja, nëse të gjitha ishin prej çokollate. Është e pabesueshme", tha Luo Shenling, vizitor.<br /><br />Festivali i çokollatës në Shangai do të jetë i hapur deri në fund të shkurtit, dhe përveç shijimit të ëmbëlsirave të ndryshme prej çokollate, vizitorët do të kenë mundësi që të dëgjojnë edhe ligjërata interesante për historikun e kësaj kënaqësie të ëmbël. Petar Bllazhevski
