Viktima, vendbanime të përmbytura me shumë dëme materiale është fotografia që sot mund të shihet në gjithë territorin e shtetit federal australian Kuinslend. Deri tani janë gjetur trupat e tre qytetarëve të vdekur, ndërsa moti i keq, i përcjellur me shira dhe erë të fuqishme, shkatërroi së paku 1.200 shtëpi. Mediat lokale transmetojnë se pa energji elektrike kanë mbetur më shumë se 130 mijë familje.<br /><br />"Uji vërshues dhe niveli i rritur i lumenjve më së shumti dëme shkaktoi në qytetin Bundaberg. Shumë objekte banimi janë dëmtuar, e disa janë rrafshuar me tokë", tha Njuman Kempbell, kryeministër i Kuinslendit.<br /><br />Disa nga banorët kanë tentuar që vetë t'i mbrojnë shtëpitë e tyre, por stuhia e fuqishme e ujit ua ka shkatërruar gjithë pasurinë para syve të tyre.<br /><br />"Zemra më dhemb, nuk di se çfarë të them, jam shumë e shqetësuar. Nuk mund të besoj se kjo na ndodhi për të dytën herë", u shpreh Luiz Tuhej, banore.<br /><br />Sipas meteorologëve, niveli i lumenjve pritet të ulet prej nesër, ndërsa vlerësimet e para të autoriteteve tregojnë se dëmet nga moti i ligë tejkalon shifrën prej 45 milionë dollarëve. Para dy vitesh, i njëjti rajon ishte goditur nga një mot shumë i keq, në të cilin humbën jetën rreth 40 persona. Petar Bllazhevski
