Vendimi i për dorëheqje i funksionarëve të BDI-së, është hap pozitiv dhe korrekt ndaj votuesve të tyre. Kështu vlerëson profesori universitar Mersel Bilalli. Dorëheqjet e Llabënishtit, Bejtës dhe Arifit, Bilalli i vlerësoi si akt moral dhe model i ri në proceset politikë në vend.<br /><br />"Mendoj se është diçka e re në proceset politike këtu tek ne edhe pse juridikisht nuk është e rregulluar kjo materie, por megjithatë ka të bëjë me koshiencën e përgjithshme politike dhe përgjegjësinë politik dhe unë mendojë se është një hap jashtëzakonisht i mirë pasi njëkohësisht nëse mbanë një pozicion i cili është kyç pra mund nga ai pozicion të ndikojë në elektorat, kështu që i jepet mundësi elektoratit që në mënyrë të lirshme, pozicione të barabarta me kandidatët e tjerë që të përcaktohen. Një potez i tillë duhet të përshëndetet dhe të gjitha partitë tjera politike duhet ta ndjekin.' Mersel Bilalli, profesor universitar.<br /><br />Ndërsa qytetarët e anketuar nga ALSAT M, vendimin për dorëheqjen e funksionarëve të BDI-së e vlerësojnë si hap korrekt.<br /><br />"Nëse mendojnë që një hap i tillë është i arsyeshëm, me siguri që mbështes një hap të tillë dhe nëse kështu kanë vendosur me siguri ata e dinë më mirë, nuk janë ata njerëz të thjesht që bëjnë ashtu gabime, besojë se është hap i mirë".<br /><br />"Të njëjtit persona vetëm i nderojnë pozitat. Unë mendojë se ata shfrytëzojnë vetëm të ardhurat dhe kjo nuk është mirë dhe nuk është në rregull".<br /><br />"Duhet ky hap të ndiqet edhe nga politikanët tjerë nga shkaku se ajo ka një pretendim ose prapavijë të mirë për qytetarët se një politikan i tillë, krijon besueshmëri".<br /><br />Profesori universitar Bilalli vlerëson se edhe përkundër faktit që dorëheqjet e kësaj natyre nuk parashihen me ligj, një gjë të tillë, duhet ta praktikojnë edhe partitë tjera politike. Valmir Kuçi
