ROMË - Një lëvizje "5 yjet" si ajo e Beppe Grillos që tronditi mbarë politikën e Gadishullit Apenin duke dalë e para parti në zgjedhjet që u zhvilluan të dielën dhe të hënën ka shumë mundësi të vijë në Shqipëri.<br />Kreu i lëvizjes "Iliria" në Romë, i lindur në Gramsh dhe ish profesor fizike në Universitetin e Tiranës, i cili jeton prej 22 vitesh në Itali thotë se në 2 prill do të vijë në Tiranë për të lëshuar këtë inisiativë. <br />"Një lëvizje popullore e tipit Beppe Grillo, jo e tipit Kreshnik Spahiu, apo e kasteve, e njerëzve që vijnë nga zyra të korruptuara, por e njerëzve të thjeshtë është shumë e domosdoshme, sepse në Shqipëri po vriten edhe njerëz që dalin në protestë. <br />Unë personalisht ndihem Beppe Grillo, në Reggio Emilia një gazetë më cilësoi si Beppe Grillo shqiptar. Do bëj sforcon time që më 2 prill të jem në Tiranë të lëshoj këtë inisiativë"- thotë Kosturi në një lidhje telefonike për Tv A1 REPORT!<br />(ad.ti/shqiptarja.com)
