Faktori ndërkombëtar dhe ekspertët e mediave alarmojnë mbi pasojat negative që shkaktojnë mediat në marrëdhëniet ndëretnike në kohën kur vendi ka hyrë në fushatë parazgjedhore. Ambasadorët e Holandës dhe OSBE-së u bënë thirrje mediave që të raportojnë në mënyrë të paanshme me qëllim që qytetarët të krijojnë pasqyrë të qartë rreth kandidatëve që do t'i votojë.<br /><br />"Politikanët nuk duhet të ndërhyjnë në politikën editoriale të medieve qoftë me anë të presionit të drejtpërdrejtë apo të tërthortë. Mungesa e autonomisë gazetareske dhe e diversitetit rezulton me krijimin e paragjykimeve ndaj procesit zgjedhor", tha Mariet Shurman, Ambasadorja e Holandës<br /><br />"Gjatë dy viteve të fundit, përfaqësuesja e OSBE-së për lirinë e mediave, Komisioni evropian dhe organizata të tjera kanë ngritur shqetësimin rreth situatës së mediave në vend. Raportimi i paanshëm do të ketë efekte pozitive për këto zgjedhje", u shpreh Ralf Breth, ambasador i OSBE-së.<br /><br />Ekspertët e mediave nga ana tjetër shprehën shqetësimin për informimin selektiv dhe shtrembërimin e fakteve sidomos gjatë raportimit të protestave të fundit.<br /><br />"Në më shumë raporte mund të vërehet fjalor etno-centrik, stereotipizues, negativ si dhe cenim i informimit të drejtë...mos raportim për ngjarjet, respektivisht heshtja e protestave para qeverisë të cilat ishin të dhunshme..raportim selektiv për ngjarjet, respektivisht minimizim i njërit grup në llogari të tjetrit", tha Vesna Shopar, ekspert për media.<br /><br />Nga ana tjetër gazetarët Çomovski dhe Bllazhevska protestat e fundit i cilësuan si të nxitura nga partitë politik, viktimë e të cilave janë mediat dhe qytetarët.<br /><br />"Protestat e fundit me shenjë ndëretnike janë protesta pas të cilave qëndron politika. u bëjë apel gazetarëve të mos jetë në njëanshme, të luftojnë për të vërtetën, për standardet dhe para se gjithash t'i hapin temat që kanë të bëjnë me zgjidhjen e statusit të gjithë viktimave të konfliktit 2001-shit", u shpreh Katerina Bllazhevska, gazetare.<br /><br />"Kriza parazgjedhor partiake paraqet krizë të besimit dhe rritet në një përplasje më të madhe ndëretnike e cila mbase nuk do të shkaktojë konflikt të përmasave të gjerë por do ta thellojë hendekun e mosbesimit..në kushte kur zgjedhjet lokale në gjithë botën paraqesin një proces normal ne i shkatërrojmë me pamje që ngjasojnë me ato të Bejrutit në Ballkan", theksoi Aleksandar Çomovski, gazetar.<br /><br />Gazetarët u bënë thirrje kolegëve të tyre që t'i respektojnë standardet e informimit të drejtë dhe të balancuar me qëllim që të shmanget manipulimi i opinionit dhe destabilizimi i brendshëm i shtetit. Semra Jakupi
