Sot bota e feston Ditën e grave dhe kërkesave të tyre për barazi ekonomike, politike dhe sociale me burrat. Në Maqedoni, kjo festë shënohet me ngjarje kulturore dhe me dhurata simbolike për gratë -- të cilat kryesisht janë lule. Gratë e anketuara nga ALSAT thonë se jo vetëm për 8 marsin, por presin një vëmendje për çdo ditë të vitit.<br /><br />"Mendoj se kjo duhet të vlerësohet, por, nuk duhet që vetëm në këtë ditë të blihen lule për të gjitha femrat, por për çdo ditë.<br />"Kemi me i ble, çdo vit blejmë, ndonjë parfum, apo lule, diç të ngjashme".<br /><br />"Vetëm për 8 Mars zakonisht, tani në këtë krizë vetëm për 8 Mars".<br /><br />Si edhe çdo vit, qarkullimin më të madh më 8 Mars e realizojnë shitësit e luleve. Ata që shesin në tregun e "Bit-pazarit" ankohen për shitjen, ndërsa në "Tregun e luleve", shumica e tregtarëve janë të kënaqur.<br /><br />"Puna këtë vit është shumë dobët, kishte tollovi, krizë, populli nuk ka të holla, nuk është sikurse vitet e kaluara. Shumë më dobët. Çmimet janë të njëjta, për të mos thënë të njëjta sikurse vitet e kaluara".<br /><br />"Të gjitha lulet shiten, por më së shumti shiten buqete, por edhe lulet në saksia. Çmimet varen nga buqetat dhe lulet që janë në to, 300-350-500... 1000 denarë e më tepër".<br /><br />Statistika në Maqedoni tregon se gratë gjithnjë e më shumë po emancipohen dhe marrin një rol më të madh në shoqëri. Kështu, për shembull, numri i grave të diplomuara në vitin 2011 ishte 56.7 për qind e numrit të përgjithshëm e të diplomuarve. Gjithashtu numri i grave që magjistruan ose kryen doktoraturën është më i lartë në krahasim me meshkujt. Kombet e Bashkuara, këtë vit 8 Marsin e festojnë me rekomandimin - "Premtimi është premtim: është koha për aksion që t'i jepet fund dhunës kundër grave". Sipas Sekretarit të Përgjithshëm të Kombeve të Bashkuara, Ban Ki-Mun, viti i kaluar ishte vit i krimeve dhe dhunës tronditëse kundër grave dhe vajzave. Bojana Simonoviq
