PITTELLA: SOCIALISTET EUROPIANE JU MBESHTESIN, PS- LSI GARANCI PER QEVERI TE RE<br />"Vendosa të vij personalisht të falënderoj mikun tim, Ilir Meta. Falënderova edhe mikun tim Edi Rama që pranuan ftesën që personalisht unë dhe liderët e internacionales socialiste kemi drejtuar dhe mesazhin të lëmë pas të shkuarën dhe të shohim drejt së ardhmes. E vlerësuam jashtëzakonshit shumë vendimin e marrë nga partitë e majta për të bashkuar forcat për të garatuar për Shqipërinë një të ardhme më të mirë.<br />Problemet që ka ky vend, me të cilin ne kemi ndjenja shumë të forta miqësie, janë të shumta. Unë e di që ka probleme të mëdha sa i takon punësimit dhe borxhit publik në vend dhe përgjigjja e kësaj është bashkimi i të gjitha forcave në vend, dhe brenda këtij bashkimi të madh të kombit duhet parë bashkimi i forcave të majta në vend. Ky është dhe kushti e garancia që do të garantojë një qeveri të re dhe që do të përqëndrohet tek procesi i integrimit BE. "- tha Pittella në konferencë për shtyp.<br /><br />Pittella nënvizoi gjithashtu se qeveria PS- LSI do të realizojë ëndrrën e madhe të integrimit në BE. "Duhet të realizojmë ëndrrën e madhe të të gjithë shqiptarëve atë të bashkimit të familjes shqiptare me familjen europiane. Dua t'i them mikut tim Ilir Meta dhe Edi Ramës e garantoj për mbështetjen tek unë dhe tek forcat e majta sepse së bashku socialistët shqiptarë dhe europianë mund të punojnë më në fund pa ndasitë e së shkuarës"<br /><br /><br />META: BASHKEPUNIMI ME PS, PER INTEGRIMIN E VENDIT<br />Ora 10:30 Kreu i Lëvizjes Socialiste për Integrim, Ilir Meta, pas takimit privat që zhvilloi me përfaqësuesin e grupit socialist në Parlamentin Evropian, Gianni Pittella, tha për mediat se ky moment i ri bashkëpunimi me Partinë Socialiste të Edi Ramës, do të ketë qëllim integrimin evropian të vendit.<br /><br />Në një konferencë të përbashkët për shtyp me zëvendëspresidentin e parë të parlamentit Evropian, Meta tha se takimi mes tyre ishte pikërisht për koalicionin parazgjedhor opozitar me socialistët. <br /><br />"Si përfaqësues i grupit socialist në PE, Pittella, me të cilin zhvilluam një takim miqësor, i cili kishe të bënte me situatën më të re politike, me këtë moment të ri të bashkëpunimit midis LSi dhe PS, e cila ka qenë një kërkesë e vazhdueshme e socialistëve evropianë, të cilët kanë qenë dhe mbeten shumë të interesuar jo vetëm për bashkëpunimin mes forcave të majta në Shqipëri, por për shpejtimin e integrimit. LSI evropiane do ta shfrytëzojë këtë moment të ri bashkëpunimi me qëllim përshpejtimin e integrimit evropian të vendit, pasi ky është interesi kryesor jo vetëm i të gjithë të majtëve po i gjithë shqiptarëve", u shpreh Meta, ish-aleat i koalicionit qeveritar prej shtatorit të 2009-ës. (ad.ti/shqiptarja.com)
