Të lidhur me zinxhirë. Kështu e ka kanë konceptuar ish-të burgosurit politikë protestën e radhës kundër qeverisë në lidhje me dëmshpërblimet e munguara ndaj kësaj kategorie të shoqërisë. <br /><br />Në studion e A1REPORT! ka qenë i ftuar Skënder Tufa i cili ka bërë thirrje qeverisë të veprojë tani në likuidim e kësteve të 150 ish-të burgosurve, në të kundërt protestat do të vijojnë.<br /><br />Gjashtë ish-të përndjekur janë lidhur me zinxhirë para portës hyrëse të Kuvendit të Shqipërisë, duke kërkuar që kryeparlamentarja Jozefina Topalli të vendosë në rend të ditës çështjen e dëmshpërblimit të tyre për vitet e burgut të kryera në kohën e regjimit komunist.<br /><br />Protesta paqësore zgjati për rreth gjysmë ore derisa u bë i mundur shoqërimi i tyre në Drejtorinë e Përgjithshme të Policisë.<br /><br />Ish-të përndjekurit kanë protestuar para Kuvendit të Shqipërisë teksa pritej, që sot të zhvillohet seanca për zëvendësimin e anëtarit të Lëvizjes Socialiste për Integrim në Komisionin Qendror të Zgjedhjeve Ilirjan Muho kërkesë kjo e bërë nga Partia Demokratike.<br /><br />Pas disa orësh të mbajtur në Polici ish-të përndjekurit janë liruar duke i dhënë fund kështu protestës së radhës në kërkim të dëmshpërblimit për vitet e burgut.<br />(ad.ti/shqiptarja.com)
