Akademiku i njohur Rexhep Qosja e ka komentuar sërish koalicionin PS-LSI si një mundësi e mirë në shërbim të vendit dhe shqiptarëve. Gjatë promovimit të librit të tij të ri "Shqipëria dhe Kosova si janë dhe si duhet të jenë" në qytetin e Rrëshenit.<br /><br />Qosja kërkoi nga politika shqiprarë, që në listat e kandidatëve për deputetë të përfshihen gratë. Sipas tij ky fakt do të jetë në të mirë të politikës shqiptare.<br /><br />"Besoj se është një koalicion i dobishëm, që do i sjellë të mira e dobi opozitës Shqiptare në procesin e zgjedhjeve. Ky koalicion do të sjellë numrin më të madh të zgjedhësve për opozitën shqiptare. Eshtë me rëndësi, që numri i grave në këto zgjedhje të rritet dhe të bëhet aq, së paku sa e kërkojnë institucionet", - tha Qosja gjatë fjalës së tij.<br /><br />Qosja ka folur edhe për çështjen e ndryshimeve të gjuhës shqipe ku tha se duhet pasur shumë kujdes dhe se pasurimi duhet të ndodhë me fjalë te gegërishtes.<br /><br />Qosja shtoi se "një ndryshim tani mund të bëhët dhe mund të pasurohet sidomos me fjalë të Gegërishtes, por ato ndryshime, që prekin thelbin, e sensing, themelet e gjuhës shqipe janë të dëmbëshme se cënojne standardin".<br /><br />Në Rrëshen akademiku kosovar Rexhep Qosja u shpall dhe qytetar nderi i ketij qyteti për kontributin e tij në çështjet kombëtare, ndërsa në aktivitet ishte i pranishëm ish-presidenti i Shqipërisë Rexhep Mejdani dhe deputetë të partisë socialiste.
