Kreu i qeverisë Enrico Letta i ngarkuar nga presidenti italian Giorgio Napolitano për ta drejtuar atë ka filluar konsultimet me forcat politike të krijojë listën e ministrave, që do të jenë pjesë e këtij kabineti. <br /><br />Afati i formimit të qeverisë së re është deri të shtunën ndërsa të martën e ardhshme pritet të bëhet edhe betimi mbi kushtetutën në sallën e Quirinale-s.<br /><br />Kabineti do të përbëhet nga 18 ministra ku 6 prej tyre do të jenë pa portofol.<br /><br />Sipas zërave shumë poste të rëndësishme do t'u besohen edhe ish-ministrave në qeverinë teknike të Mario Montit apo të qeverive të mëparshme. <br /><br />Detyra e qeverisë së re italiane është të kapërcejë krizën financiare dhe politike në të cilën ndodhet fuqia e tretë ekonomike evropiane.
