Argjendaria në qendër të qytetit të Fierit është bërë pre e grabitjes së ndodhur mesditën e sotme. <br /><br />Mesohet se tre të rinj të armatosur me automatik dhe me maska kanë hyrë në argjendarin e shtetasit Maksim Gjeci, dhe i kanë kërkuar atij paratë dhe bizhuteritë në stendë. <br /><br />Refuzimi për të plotësuar kërkesat e grabitësve ka agravuar me tej situatën. Pronari fillimisht është konfrontuar fizikisht me hajdutët, dhe këta të fundit e kanë qëlluar me tytën e automatikut në kokë.<br /><br />Pronari i argjendarisë ka përfunduar pa ndjenja në dysheme ndërsa vjedhësit kanë mundur të marrin një sasi të konsiderueshme bizhuterish dhe të largohen në drejtim të paditur.<br /><br />Menjëherë pas kësaj ngjarje në argjendari kanë hyrë kalimtarë të rastit të cilët kanë dërguar pronarin e saj ne ambulancën më të afërt, ku ka marrë mjekimin e parë dhe është rikthyer në ambjentet e argjendarisë.<br /><br />Uniformat blu kanë filluar punën për mbledhjen e provave, ndërsa kanë marrë edhe dëshminë e pronarit të argjendarisë, cka pritet të ndihmojë policinë në indetifikimin e grabitësve. Argjendaritë në qëndër të qytetit të Fierit edhe më parë kanë rënë pre e grabitjeve të dhunshme.
