Punonjësit e pushuar nga CEZ-it me emërimin e Sait Dollapit si administrator i kompanisë vijojnë protestat pasi nuk kanë marrë asnjë përgjigje ndaj kërkesave të tyre. <br /><br />420 punonjësit e administratës të zëvendësuar tashmë shprehen se nuk është dhënë asnjë motiv apo arsye për këtë gjë dhe duket qartë që është çështje politikash administrative. <br /><br />Ata kanë protestuar para zyrave të Kujdesit ndaj klientit të kompanisë CEZ me pankarta në duar ku shkruhet " Jemi flakur në rrugë nga administratori i ri i CEZ". <br /><br />Ndërsa kanë bërë thirrje Kryeministrit dhe Presidentit t'i përgjigjet këkresave të tyre, pasi u hoqën pa shkak nga detyrat, që ushtronin pranë kompanisë. <br /><br />"Dua të bëhem mbesa e Dollapit, dua të bëhem dhëndri i kreut të KESH", - shkruanin punonjësit të pashpresë duke konsideruar këtë të vetmen zgjidhje për t'iu rikthyer pozicionit të tyre.
