Zhduket prej 6 ditësh një emigrant i porsakthyer nga shteti grek në qytetin e Vlorës. Joan Kuqi 36 vjec ka humbur kontaktet me familjen, që prej pasditës së të premtes. <br /><br />Kuqi kishte ardhur në Shqipëri për të 40-tat e të atit, i cili kishte humbur jetën nga një sëmundje e pashërueshme. <br /><br />Familjarët e 36-vjecarit tregojnë se pas vdekjes së të atit, Joani kaloi në një situatë depresive dhe u mbyll në vetvete. <br /><br />Ata tregojnë se familja e tyre ka jetuar për vite më radhë në Greqi dhe nuk ka patur asnjëherë konflikte të mëparshme, ndërsa vetë Joani nuk kishte shumë miq në Shqipëri. <br /><br />Të afërmit bëjnë apel për ndihmë për gjetjen e tij.<br /><br />Familja Kuqi ka bërë denoncim në polici për zhdukjen e 36-vjecarit dhe bën thirrje, kush ta shohë të kontaktojë menjëherë me komisariatin më të afërt të policisë.
