Klima e vështirë zgjedhore në Shqipëri, ku më 23 qershor janë planifikuar zgjedhjet politike, shqetëson Organizatën për Siguri dhe Bashkëpunim në Evropë (OSBE) e cila është gati për të dërguar në Tiranë , një mision shumë të gjerë elektoral. <br /><br />"Po ndjekim me shqetësim shenjat e një konflikti politik gjithnjë në rritje, ndërsa presim një proces zgjedhor konkurrues në një klimë jo shumë të lehtë". është shprehur për ANSA sekretari i Përgjithshëm i OSBE, Lamberto Zannier <br /><br />Shqetësimi lidhur me këtë situatë të krijuar ka të bëjë edhe me sjelljet dhe zhvillimet që mund të minojnë stabilitetin në rajon.<br /><br />"Ne shpresojmë të mos ketë përdorim të toneve të tepruara nacionaliste që mund të destabilizojnë rajonin"- vazhdoi i Zannier duke kujtuar se - " OSBE në Shqipëri ka investuar shumë dhe nuk është e gatshme të pranojë anullimin e këtij investimi."<br /><br />Pak ditë më parë Zannier takoi kreun e PS-së Edi Rama në Vjenë.
