Të zhgënjyer nga Partia Aleanca Kuq e Zi një grup anëtarësh të saj i janë bashkuar sot Partisë Socialiste, me bindjen se opozita do të sigurojë mbështetje dhe rotacionin politik. Nga selia e Partisë Socialiste në një deklaratë të përbashkët për shtyp, lideri i opozitës Edi Rama i ka siguruar ata se, puna e tyre gjatë këtyre viteve nuk do të shkojë dëm.<br /><br />"Aleanca Kuq e Zi u shfaq së fundmi në formën e një force diversion, për të çoroditur popullin. Dyert e PS, dhe çdo partie brenda aleancës për Rilindje, janë të hapura për të gjithë kuqe zinjtë që janë aktivizuar me çiltërsinë e qytetarëve që janë zhgënjyer nga këto vite tranzicioni të zgjatur, të paintegruar në forcat politike aktuale. Duhet që e gjithe ajo energji patriotike e gjeneruar nga ideale dhe ide për një Shqipëri më të mirë, e gjithë ajo energji e derdhar në dy vite për të sjellëi ndryshimin, të mos shkojë dëm, por të kanalizohet përmes këtij koalicioni të madh, dhe Partisë Socialiste."<br /><br />Ndërsa sipas përfaqësuesit të grupit të larguar nga Aleanca Kuq e Zi, Dashamir Uruçi, bindjet dhe idetë e tyre nuk përfaqësohesh denjësisht nga drejtuesi i AK. <br /><br />"Alenca ka sot në krye një lider që e ka monopolizuar partinë, dhe çdo veprim ka vulën e një individi. Angazhimi apo vendimi i kryetarit Spahiu për të dalë i vetëm në zgjedhjet e 23 qershorit 2013 nuk është rrjedhojë e konsultave brenda sekretariatit të Partisë, por ky është një vendim i tij monopolitistik."<br /><br />Përfaqësuesit e grupit larguar nga Aleanca Kuq e Zi kanë siguruar se do të përkrahin opozitën shqiptare në zgjedhjet e 23 Qershorit.
