Operacioni i koduar " Laguna" ka vënë në pranga tre shtetas nga qyteti i Vlorës të cilët akuzohen se janë përgjegjës për trafikimin e mbi 1.6 tonë lënde narkotike, kanabis sativa brenda një harku kohor brenda një viti. <br /><br />Drejtoria e Policisë në Vlorë doli sot në një konferencë për shtyp për të dhënë detaje mbi shkatërrimin e këtij grupi kriminal, që është përgjegjës për trafikimin e mbi 1.6 tonë lënde narkotike, kanabis sativa. <br /><br />Gjatë ketij operacioni janë arrestuar Bexhet Aliaj vjec 43, Dritan Kaçani vjec 42 dhe Shpëtim Shehu 23 vjeç. <br /><br />Këta persona akuzohen si pjesmarrës në të njëjtën organizatë kriminale që po përpiqej të trafikonte 600 kg kanabis që u gjet në fshatin Zvërnec në kuadër të operacionit "EKLIPSI", më datë 16.06.2012. Në atë kohë u sekuestruan 2 mjete lundruese si dhe u arrestua shtetasi Novrus Shehu. <br /><br />Hetimet për këtë grup vazhdonin prej nje viti dhe aktiviteti i tyre kriminal kishte arritur të trafikonte sasi të konsiderueshme droge në itali. Në gusht të 2012 po këta përsona janë përgjegjës për sasinë e 1 ton kanabis që u sekuestrua në Karaburun në kuadër të operacionit "EKLIPSI". Për sasinë prej 17 kg marijuanë i sekuestruar në kuadër të operacionit "VACANZE 1" date 18.08.2012 ku u arrestua shtetasi Marlen Gutici. <br /><br />Për sasinë prej 14 kg marijuanë të sekuestruara në Portin Vlorë në kuadër të Operacionit "VACANZE 2" më datë 18.08.2012, ku u arrestua shtetasi Armir Nushi. Në Itali këtij grupi i janë sekuestruar edhe 4 ngarkesa të tjera me sasi të konsiderueshme marijuane. Në total sasia e marijuanës së sekuestruar në Shqipëri dhe Itali, në treg do të kishte një vlerë prej rreth 10 milion euro. Dosja e tyre do i kalojë prokurorisë së krimeve të rënda.
