Pas 5 orësh situatë të tensionuar dhe pa precedentë brenda në bashkinë e Tiranës, ku këshilltarët e majtë votuan në paradhomë shkarkimin e Njazi Kosovrastit dhe emërimin e Aldrin Dalipit në postin e kryetarit të Këshillit bashkiak, vjen dhe reagimi i bashkisë së Tiranës. <br /> <br />31 këshilltarët PS-LSI nuk u lejuan të zhvillonin mbledhjen në sallën e këshillit pasi bashkia kishte kyçur derën, dhe bllokoi median të hynte brenda për një farë kohe. Në këto kushte mbledhja u zhvillua në paradhomën e sallës së këshillit bashkiak por bashkia e Tiranës deklaron se nuk e njeh mbledhjen. <br /><br />NJOFTIMI PER SHTYP I BASHKISE SE TIRANES<br />"Bashkia e Tiranës bën të ditur se sot nuk është zhvilluar asnjë mbledhje zyrtare e Këshillit Bashkiak. <br /><br />Bashkia Tiranë njoftoi që dje opinionin publik se nuk ka asnjë njoftim zyrtar dhe të ligjshëm mbi thirrjen e mbledhjes së Këshillit Bashkiak për ditën e sotme. <br /><br />Bashkia Tiranë dënon dhunën e përdorur sot nga disa këshilltarë, ndaj institucionit të Bashkisë dhe bën të ditur se do të bëjë kallëzim penal ndaj personave përgjegjës. Të gjithë veprimet dhe deklaratat e sotme të disa anëtarëve të Këshillit Bashkiak janë në kundërshtim flagrant me ligjin dhe janë të motivuara nga fryma e konfliktit politik.<br /><br />Bashkia Tiranë i bën thirrje të gjithë anëtarëve të Këshillit Bashkiak të Tiranës të distancohen nga veprime të paligjshme dhe të dhunshme ndaj institucionit të Bashkisë dhe siguron Këshillin Bashkiak dhe qytetarët e Tiranës se përgjegjësit e veprimeve të sotme antiligjore dhe të dhunshme do të përballen me pasojat ligjore
