Një nga banorët e ngujuar grevistë në rrugën "Margarita Tutulani", Ramazan Lile, ka lënë grevën mëngjesin e sotëm, pasi gjendja e tij shëndetësore është përkeqësuar dhe ai është dërguar në spital. Ramazan Lile është 60 vjeç, i papunë dhe tre anëtarë në familje, të papunë të gjithë<br /><br />Gazetarja e "A1Report!", Drilona Nokshiqi, e cila është duke ndjekur grevën e banorëve, njofton se deri më sot, problemi i ngritur prej tyre ende s'ka marrë zgjidhje. Ndërtesa trekatëshe është rrethuar nga policia, ndërsa kati i tretë është shkatërruar. Banorët, që janë në ditën e dhjetë të grevës së urisë, shprehen të bindur se pavarësisht përkeqësimeve, ata do vazhdojnë të qëndrojnë në shtëpitë ku kanë jetuar për më shumë se 50 vjet. <br /><br />Autoambulanca ka ardhur herët në mëngjës për të kontrolluar gjendjen e tyre. Që nga moment kur Ferdinan Caka me katër persona ka nisur shembjen e banesës nga kati i tretë, asnjë zyrtar i shtetit nuk është dukur pranë grevistëve. <br /><br />Emrat e banorëve që po vazhdojnë grevën, përveç Ramazan Liles, janë:<br /><br />Amela Ali, 25 vjeç, e papunë, katër anëtarë në familje, vetëm babai i punësuar<br />Mirela Ali, 47 vjece, e papunë <br />Zamira Meta, 58 vjeç, e papune, jeton me të ëmën pensioniste, jo banore e godinës<br />Sheqere Dani, 51 vjeç ,e papune, katër anëtarë në familje, të gjithë të papunë<br />Sajmir Dani, 52 vjeç, e papunë<br />Islam Nazja,54 vjeç, e papunë, tre anëtarë në familje, e shoqja e punësuar<br />Arjan Xhaferi,55 vjeç, kuzhinier në Gjermani, jeton vetëm<br />Eduart Miho, 47 vjeç, i papune, invalid, pesë anëtarë në familje, të gjithë papunë<br />Adrian Pojani, 56 vjeç, i papunë, përfaqëson të vëllanë<br /><br />3 MAJ, U SHEMB KATI I TRETE I BANESES, BANORET NUK LEVIZEN NGA VENDI<br /><br />Dje, grevistët në rrugën "Margarita Tutulani" në kryeqytet kanë kaluar një tjetër natë të tensionuar në ambientet e improvizuara afër godinës ku jetonin prej vitesh. <br /><br />Duke filluar nga data 25 prill, 10 banorë vazhdojnë grevën e urisë për rihapjen e procesit gjyqësor për banesat e tyre, ose krijimin e kushteve për strehimin dikur tjetër. <br /><br />Por edhe pse gjendja e tyre shëndetësore ka ardhur duke u rënduar dita-ditës, netët kanë qenë edhe më të vështira për ta. Për shkak të ndërhyrjes së Përmbarimit me ndihmën e policisë private një ditë më pare, për nxjerrjen e orendive të mbetura në apartamente dhe më pas shembjes së katit të tretë të godinës, gjendja shëndetësore e grevistëve, e sidomos gjendja psikologjike është rënduar ndjeshëm. 2 grevistë kanë shfaqur edhe më parë, probleme me tensionin dhe rrahjet e zemrës.
