SHKODER - Familjet e përmbytura në Shkodër marrin këstin e parë të dëmshpërblimit 3 vjet pas situatrës së përmbytjeve në 2010-ën. <br /><br />Lajmi u bë i ditur nga kryetari i këshillit të qarkut Shkoder, i cili tha se 7571 familje nga rrethi i Shkodres dhe i Malësisë së Madhe do të përfitojnë dëmshpërblimin nga një fond prej rreth 200 milion lekësh të reja. <br /><br />Shpërndarja do të bëhët pranë zyrave të postës shqiptare ne Bashkinë Shkodër dhe në Komunat Bushat, Berdicë, Ana e Malit, Dajç, Velipojë, Guri i Zi, Rrethina, Kastrat, Gruemirë dhe Qendër Koplik. Shkodra dhe Nënshkodra prej vitit 2010 e deri më sot ka përjetuar disa përmbytje të mëdha masive. <br /><br />Përmbytja e parë ndodhi më 3 janar të vitit 2010, gjithsej u përmbytën 10.400 hektarë, 2 489 shtëpi dhe 4780 persona u evakuuan. Kjo përmbytje përfshiu 8 komuna të Nënshkodrës dhe Bashkinë e Shkodrës, ndërsa dëmi i llogaritur në këtë përmbytje ka arritur në vlerën e afro 6 milionë dollarëve.<br /><br />(ad.ti/shqiptarja.com)
