KUKES- Shefi i Rendit në Policinë e Kukësit Embro Zholi ka dhënë dorëheqjen, dy ditë para zgjedhjeve. Korrespondenti ynë në Kukës informon se Zholi dorëzoi sot dorëheqjen në Drejtorinë e policisë Kukës.<br /><br />Ai e ka motivuar dorëheqjen për shkak të mbingrakesës në punë, por burime të brendshme bëjnë të ditur se shkak i kësaj dorëheqje është presioni që i është nga Shërbimi i Kontrollit të Brendshëm në Ministrinë e Brendshme.<br /><br />PS dhe LSI kanë denoncuar ditët e fundit presionin që Ministria e Brendshme po bën në qarkun e Kukësit, ku ministri Flamur Noka kryeson listën e kandidatëve të PD-së.<br /><br />Edhe kryetari i bashkisë së Kukësit, Halili denoncoi presionin e ministrit Noka ndaj qytetarëve të Kukësit tek ambasadori i SHBA-së dhe ambasadori i Suedisë.
